«اۋىل» پارتياسىنان قر پارلامەنتى ءماجىلىسىنىڭ دەپۋتاتتىعىنا پارتيا ءتىزىمى بويىنشا كانديدات قايرات ايتۋعانوۆ, نيكولاي ارسيۋتين, سوفيا ابدىرازاقوۆا, سۆەتلانا پروكوپەۆا, رابيعا توقسەيىتوۆا, بەرىكجان قايىپباي قوستاناي قالاسىندا فەرمەرلەردىڭ اتا-اناسىمەن كەزدەستى.
– مەملەكەت تاراپىنان فەرمەرلەرگە ءبولىنىپ جاتقان كومەكتىڭ ولارعا ۇلكەن ماشاقاتپەن جەتەتىنى بارشاعا ايان. جانى كۇيگەن جاس فەرمەر ىشكى قىجىلىن جانىنداعى جاقىنىنا عانا ايتادى. مۇمكىن بالاسىنىڭ ايتا الماي جۇرگەنىن اتا-اناسى ايتار. سوندىقتان دا فەرمەرلەردىڭ اتا-اناسىن جيناپ, مۇڭ-مۇقتاجعا قۇلاق ءتۇرىپ, جيىن وتكىزىپ جاتىرمىز. «اۋىل» پارتياسى اۋىل پروبلەماسىن وتە جاقسى بىلەدى جانە ولاردى شەشۋ بويىنشا ناقتى وزىندىك كوزقاراسى بار. ءبىزدىڭ ساياسي پلاتفورمامىزدا جالپى اۋىل اۋماقتارىن جانە ءاربىر ەلدى مەكەندى دامىتۋعا ماڭىزدى ءرول بەرىلگەن. «اۋىل» پارتياسى ماجىلىسكە بارعاندا وسى ۇستانىمدى ودان ءارى قورعاپ, قولداعى بار ىقپال ەتۋ تەتىگى مەن رەسۋرستى پايدالانا وتىرىپ, باعدارلامالىق قۇجاتتارىن ىسكە اسىراتىن بولادى. ءبىز ءۇشىن اۋىل ارقاشان باسىمدىق پەن قۇرمەتكە يە, – دەدى قايرات ايتۋعانوۆ.
قر پارلامەنتى ماجىلىسىنە جانە «اۋىل» پارتياسىنان بارلىق دەڭگەيدەگى ماسليحاتتارعا كانديداتتار قوستاناي اۋدانى زارەچنوە اۋىلىندا ورنالاسقان «قازاق تۇلپارى» جشس جىلقى زاۋىتىنا, ودان كەيىن «زارەچنوە» اۋىل شارۋاشىلىعى تاجىريبە ستانتسياسى» جشس عىلىمي-وندىرىستىك مەكەمەگە بارىپ, جىلقى تۇقىمىن دامىتۋ ماسەلەسىن انىقتاۋ جانە شەشۋ تاقىرىبىندا, سونداي-اق ماشينا-تراكتور پاركىنىڭ كوكتەمگى ەگىس جۇمىسىنا دايىندىق بارىسىن تالقىلادى.
