2024 جىلعى ناۋرىزدىڭ 20-نان 25-ىنە دەيىن اقتوبە قالاسىندا 2009 جىلدان باستاپ تۋعان جاسوسپىرىمدەر اراسىندا, U15 كاتەگورياسى بويىنشا, فۋتزالدان قازاقستان بىرىنشىلىگىنىڭ 2023-24 ماۋسىمىنىڭ ءۇشىنشى قورىتىندى تۋرى ءوتتى. بۇل جاس كاتەگورياسىندا ەلىمىزدىڭ بارلىق وڭىرىنەن 18 كوماندا قاتىستى, بۇل – بارلىق جاس كاتەگوريالار ىشىندە ەڭ كوپ كوماندا قاتىسقان تۋرنير بولدى. تۋرنير فورماتىنا سايكەس ءار كوماندا ءبىر-بىرىمەن كەزدەسىپ شىعۋى كەرەك.
ءبىرىنشى اينالىم 2023 جىلدىڭ قازان ايىندا الماتى قالاسىنداعى «قايرات» فۋتزال كلۋبىنىڭ الاڭىندا وتسە, ەكىنشى تۋر قاڭتار ايىنىڭ باسىندا قاراعاندى قالاسىنداعى «تۇلپار» فۋتزال كلۋبىنىڭ الاڭىندا وتكەن بولاتىن. ءۇشىنشى تۋر «ءاليحان» سپورت كەشەنىندە اقتوبە قالاسىندا ۇيىمداستىرىلدى.
تۋرنيرگە قازاقستان فۋتزال الەمىندەگى تانىمال «قايرات», «تۇلپار», «ايات», «بايتەرەك», «اقتوبە», «اتىراۋ», «استانا», «تۇركىستان» بجموفم سياقتى دارىندى بالالارعا ارنالعان فۋتزال اكادەميالارىمەن قاتار, استانالىق «سايران», تارازدىق «تۇلپار», جاڭاوزەندىك JF Academy, قۇلسارىدان «قاراتون» سياقتى جەكەمەنشىك بالالار فۋتزال كلۋبتارى دا قاتىستى.
فۋتزالدان قازاقستان بىرىنشىلىگىندە قاراعاندىلىق «تۇلپار» كومانداسى جەڭىسكە جەتىپ, چەمپيون اتاندى. كۇمىس جۇلدەگەر رەتىندە ءبىر ۇپاي ايىرماشىلىعىمەن استانالىق «سايران» كومانداسى تانىلدى. ءۇشىنشى ورىندى جاڭاوزەندىك «JF Academy» كومانداسى يەلەندى.
وتكەن بىرىنشىلىك اياسىندا «سايران» كومانداسى رەسمي ماتچتاردا بىردە-ءبىر جەڭىلىس كورمەگەن كوماندا رەتىندە تانىلدى.
قاراعاندىلىق «تۇلپار» كومانداسى قاراعاندى قالاسىندا وتكەن ەكىنشى اينالىمدا عانا «سايران» كومانداسىنا 1:3 ەسەبىمەن جەڭىلگەن ەدى. استانالىق «سايران» كومانداسى, جەكە دارا كوش باستاپ كەلە جاتىپ, ءتۋرنيردىڭ ءفاۆوريتى جەرگىلىكتى «اقتوبە» كومانداسىمەن سوڭعى مينۋتتا تەڭ ويناپ قالعاندىقتان, چەمپيوندىق ءبىرىنشى ورىننان ءبىر ۇپايعا كەيىن قالدى.
قازاقستان فۋتزال قاۋىمداستىعى (قفق) ءتۋرنيردى ۇيىمداستىرۋشى رەتىندە ءوز مىندەتتەرىن ابىرويمەن اتقاردى. قفق – 1996 جىلى قۇرىلعان جانە قازاقستان فۋتبول فەدەراتسياسىنىڭ قۇرامىندا فۋتزال بويىنشا جارىستاردى ۇيىمداستىرۋعا جاۋاپتى بولىمشە. 2022 جىلدىڭ كۇزىنەن باستاپ قفق ءوزىنىڭ قىزمەتىن جەكە ۇيىم رەتىندە قايتا جانداندىردى.
سايران كومانداسىنىڭ جاتتىقتىرۋشىسى قۇرمانباەۆ يلياس باۋىرجانۇلى
مەن ۇيىمداستىرۋشىلارعا ولاردىڭ ەڭبەگى مەن كاسىبيلىگى ءۇشىن ەرەكشە ريزاشىلىعىمدى بىلدىرگىم كەلەدى. تۋرنير جوعارى دەڭگەيدە ۇيىمداستىرىلدى, كوماندالارعا ويىن جانە دامۋ ءۇشىن تاماشا جاعدايلار ۇسىنىلدى. ويىن الاڭدارىنان باستاپ ويىن كەستەسىنە دەيىنگى ءاربىر دەتال مۇقيات ويلاستىرىلعان, جارىستار مەن سپورتتىق رۋح ءۇشىن كەرەمەت جاعداي جاسالدى.
سپورتپەن بالا كەزدەن اينالىسۋ كەلەشەك ۇرپاقتىڭ دامۋىندا تەك فيزيكالىق جاعىنان عانا ەمەس, پسيحولوگيالىق جاعىنان دا ماڭىزدى ءرول اتقارادى. باسەكەلەستىك ەلەمەنتى وسى پروتسەستە ەرەكشە ماڭىزدى, كوماندانى ماقسات قويۋعا جانە وعان جەتۋ ءۇشىن جۇمىس ىستەۋگە, جەتىستىكتەر مەن ساتسىزدىكتەردى قابىلداۋدى ۇيرەنۋگە ۇيرەتەدى. مۇنداي تۋرنيرلەردىڭ ماڭىزدىلىعى ەرەكشە باعالانۋى كەرەك, ويتكەنى ولار جاس سپورتشىلارعا تەك وزدەرىنىڭ شەبەرلىكتەرىن الاڭدا كورسەتۋ مۇمكىندىگىن عانا ەمەس, سونىمەن قاتار كوماندالىق جۇمىس, تاباندىلىق جانە قارسىلاستارعا دەگەن قۇرمەت سياقتى ماڭىزدى ءومىر ساباقتارىن ۇيرەنۋ مۇمكىندىگىن بەرەدى.
ءبىزدىڭ بالالار تۋرنير بويى ەرەكشە ويىن كورسەتتى, تەك وزدەرىنىڭ شەبەرلىگىن عانا ەمەس, ناعىز سپورتتىق مىنەزدى دە كورسەتە الدى. بىرىنشىلىكتە ەكىنشى ورىندى يەلەنۋ ارقىلى ولار وزدەرىنىڭ جوعارى دەڭگەيىن راستادى جانە ولاردىڭ ودان ءارى ءوسۋى ءۇشىن نەگىز بولاتىن قۇندى تاجىريبە جيناقتادى. بۇل تۋرنير ولاردىڭ دامۋى ءۇشىن تاماشا پلاتفورما بولدى جانە مەن مۇنداعى تاجىريبە بولاشاقتا ولاردىڭ جەتىستىكتەرىنە ىقپال ەتەتىنىنە سەنىمدىمىن.
بارلىق قاتىسۋشىلارعا, ۇيىمداستىرۋشىلارعا, ءوز ويىنشىلارىمىزعا ولاردىڭ ەڭبەگى, دارىنى جانە سپورتتىق توزىمدىلىگى ءۇشىن ۇلكەن العىس ايتقىم كەلەدى. سونداي-اق, ءبىزدىڭ كوماندانى قولداعان اتا-انالار مەن ۇيىمدارعا ارنايى العىس بىلدىرەمىن. ءبىز كەلەسى تۋرنيرلەردى جانە شەبەرلىگىمىزدى كورسەتۋ, ۇيرەنۋ جانە كوماندا رەتىندە بىرگە ءوسۋ مۇمكىندىكتەرىن اسىعا كۇتەمىز.
