گاز تارتۋ قارقىندى جۇرگىزىلۋدە
ەلوردا اكىمى التاي كولگىنوۆ قر پارلامەنتى دەپۋتاتتارىن گاز تاراتۋ جەلىلەرى قۇرىلىسىنىڭ بارىسىمەن تانىستىردى. باس قالاعا گاز تارتۋ 3 كەزەڭمەن جۇرگىزىلەدى. قازىر قۇبىرلاردى توسەۋ جانە گاز رەتتەگىش نۇكتەلەردى ازىرلەۋ جۇمىستارى جالعاسۋدا. جىلدىڭ سوڭىنا دەيىن №1, 2, 3 جىلۋ-ەلەكتر ورتالىقتارىنا, «كوكتال-1», «كوكتال-2», اگروقالاشىق ەلدى مەكەندەرىنە گاز تارتۋ قۇبىرلارىنىڭ قۇرىلىسىن اياقتاۋ جوسپارلانعان.«گاز قۇبىرى تۇڭعىش پرەزيدەنت-ەلباسى نۇرسۇلتان نازارباەۆتىڭ تاپسىرماسىمەن سالىنۋدا. ەلوردانى دامىتۋ ماسەلەلەرىنە ارنالعان جيىندا مەملەكەت باسشىسى قاسىم-جومارت توقاەۆ قالانى گازداندىرۋ ۇدەرىسىن باقىلاۋعا الۋدى تاپسىردى. اۋقىمدى جۇمىس اتقارىلدى. تەمىرجولشىلار, ءوندىرىس, وڭتۇستىك-شىعىس ەلدى مەكەندەرىندە گاز تاراتۋ جەلىلەرىنىڭ قۇرىلىسى باستالدى. بۇل ەلدى مەكەندەردەگى ۇيلەردى كەلەسى جىلۋ بەرۋ ماۋسىمى باستالعانشا گازعا قوسۋدى جوسپارلاپ وتىرمىز» دەدى التاي سەيدىرۇلى.
جوبانى ازىرلەۋشىلەر حابارلاعانداي, گاز تاراتۋ جەلىلەرى كوشە جەلىسى ارقىلى وتەدى. جەكەمەنشىك سەكتوردىڭ تۇرعىندارى ءۇيدىڭ قورشاۋىنا دەيىن تارتىلعان گاز قۇبىرىنان ۇيىنە تارتادى. اكىمدىك تۇرعىندارعا تەگىن گاز ەسەپتەگىش قۇرالداردى قاراستىرۋدا. ەكىنشى كەزەڭدە – ميچۋرين, ينتەرناتسيونالنىي, كۇيگەنجار (1-2), تەلمان (3), پريگورودنىي, Garden Village, Family Village ەلدى مەكەندەرىنە, ءۇشىنشى كەزەڭدە – يلينكا (1-2), شۇبار (3), ءوندىرىس (4) ەلدى مەكەندەرى گازداندىرىلادى. جوبانى جۇزەگە اسىرۋ مەرزىمى: 2020-2023 جج. گاز تارتۋ قالاداعى زياندى قالدىقتاردىڭ 6 ەسەگە, قاتتى تۇرمىستىق قالدىقتاردىڭ 40 مىڭ تونناعا دەيىن ازايۋىنا مۇمكىندىك بەرەدى.