الماتى اۋدانىندا گازداندىرۋ بويىنشا قۇرىلىس-مونتاجداۋ جۇمىستارى اياقتالۋعا جاقىن. اۋدان اكىمى ەرلان بەكمىرزاەۆ, نۇر-سۇلتان قالاسىنىڭ وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسى, «قازترانسگاز ايماق» اق قىزمەتكەرلەرىنىڭ جانە مەردىگەرلەردىڭ قاتىسۋىمەن اۋداننىڭ تۇرعىن الاپتارىن گازداندىرۋ بويىنشا كەزەكتى كەزدەسۋ وتكىزدى.
كەزدەسۋ بارىسىندا تۇتۋشىلارعا گاز جەتكىزۋدى دايىنداۋ ماسەلەلەرى تالقىلاندى. اۋدان اكىمى تازالاۋ جانە قىسىمدى جۇمىستارىن جىلدامداتۋدى جانە بۇرىن اباتتاندىرىلىپ, گاز تارتۋ بارىسىندا قيراتىلعان اۋماقتاردى قالپىنا كەلتىرۋگە تەزىرەك كىرىسۋدى تاپسىردى. ول گازبەن جابدىقتاۋ شاراسى ىسكە قوسۋ كەشەندەرىنە سايكەس جۇرگىزىلەتىنىن اتاپ ءوتتى.
