جاڭالىقتار
گروسسمەيستەر ۇيرەتەدى
استانادا حالىقارالىق گروسسمەيستەر دينارا سادۋاقاسوۆا «شاحمات ويناۋدى ۇيرەنەيىك» اتتى كىتابىنىڭ تۇساۋكەسەرىن وتكىزدى.
بۇل – ەكى تىلدە, دالىرەك ايتقاندا قازاق جانە ورىس تىلدەرىندە جازىلعان ەڭبەك ينتەللەكتۋالدى ويىن بويىنشا قازاقستانداعى العاشقى وقۋ قۇرالى بولىپ وتىر. وقىرماندار كىتاپتان شاحماتتىڭ تاريحى, ەرەجەلەرى, تاكتيكالىق ادىستەرى, تاپسىرمالار مەن ولاردىڭ جاۋاپتارى, ەتيۋدتەردىڭ شەشىلۋ جولدارى جانە ويىن كەزىندەگى ءتارتىپ ەرەجەلەرى جونىندە ناقتى اقپارات-كەڭەس الا الادى.
اتالعان كىتاپ Shakhmardan Yessenov Foundation عىلىمي ءبىلىم بەرۋ قورى مەن قازاقستان شاحمات فەدەراتسياسىنىڭ قولداۋىمەن جارىققا شىقتى. جاقىن ارادا وقۋ قۇرالى كىتاپ دۇكەندەرى مەن سايتتاردا ساتىلىمعا شىعادى.