«بيزنەستىڭ جول كارتاسى – 2020» باعدارلاماسى بويىنشا كاسىپكەرلەر اراسىنداعى بايقاۋ مارەسىنە جەتتى.
جاڭا فورماتتا وتكەن بايقاۋدا داۋىس بەرۋ ءۇردىسى تولىعىمەن اۆتوماتتاندىرىلىپ, قاتىسۋشىلاردىڭ ۇپايلارىن كوميسسيا مۇشەلەرى ونلاين رەجيمىندە, گادجەتتىڭ كومەگىمەن قويدى. جوبالاردى تىڭداۋ مەرزىمى «Astana Hub» IT-ستارتاپ حالىقارالىق ورتالىعىندا ونلاين-ترانسلياتسيا ارقىلى 5 كۇنگە جالعاسقان. جوبالار جاڭا بيزنەس-يدەيالار, باسەكەگە قابىلەتتىلىك جانە بيزنەسكە دايىندىق كريتەريلەرى بويىنشا باعالاندى. ءبىلىم, دەنساۋلىق ساقتاۋ, جەڭىل ونەركاسىبى سالالارى بويىنشا 280 كاسىپكەردەن ءوتىنىش ءتۇسىپ, بايقاۋ قورىتىندىسى بويىنشا «رەمبىت استانا» جشس, «Q 18» جشس, «Momentum» جشس سياقتى 24 كاسىپورىن 70 ميلليون تەڭگەنىڭ گرانتىن ءوزارا ءبولىستى. گرانت يەگەرلەرىن استانا قالاسى ينۆەستيتسيا جانە كاسىپكەرلىكتى دامىتۋ باسقارماسى باسشىسىنىڭ ورىنباسارى ەرلان بەكمۇرزاەۆ «Astana Hub» IT-ستارتاپ حالىقارالىق ورتالىعىندا وتكەن سالتاناتتى شارادا ماراپاتتاپ, جەڭىمپازدارعا ارنايى سەرتيفيكات تابىستادى. جىل سايىن ءداستۇرلى تۇردە وتكىزىلەتىن بايقاۋ ەندى كەلەر جىلدىڭ ءبىرىنشى جارتىجىلدىعىندا ۇيىمداستىرىلادى.
