جاڭالىقتار
استانا اكىمى تۇڭعىش پرەزيدەنت كۇنى دۇنيەگە ءسابي اكەلگەن انالاردى قۇتتىقتادى
قازاقستان رەسپۋبليكاسىنىڭ تۇڭعىش پرەزيدەنت كۇنى استانا قالاسىنىڭ اكىمى باقىت سۇلتانوۆ №2 كوپبەيىندى قالالىق اۋرۋحانادا جاس انالار مەن جاڭا تۋعان نارەستەلەردى قۇتتىقتادى, دەپ حابارلايدى ەلوردا اكىمدىگىنىڭ رەسمي سايتى.
جاس انالارعا گۇل شوقتارى مەن بەسىك اربالار جانە نارەستەلەرگە ارنالعان بۇيىمدار سىيعا تارتىلدى.
«ولار بۇگىن تۇڭعىش پرەزيدەنت كۇنى دۇنيەگە كەلدى. وسىنداي ەرەكشە مەرەكەدە جارىق دۇنيە ەسىگىن اشقان سابيلەردىڭ بارلىعىنىڭ دەنى ساۋ بولىپ, وتانىمىزدىڭ ابىرويىن اسقاقتاتاتىن ازامات بوپ وسە بەرسىن», – دەدى قالا باسشىسى.
پەريناتالدىق ورتالىقتاردان 1 جەلتوقسان كۇنى ساعات 12-گە دەيىن تۇسكەن مالىمەتتەرگە سايكەس ەلوردادا – 10 ەر بالا, 16 قىز بالا دۇنيگە كەلدى.
