ح مەرەيتويلىق پلەنارلىق وتىرىس

استانادا باس پروكۋراتۋرا مەن بۇۇ-نىڭ ەسىرتكى جانە قىلمىس جونىندەگى باسقارماسى ورتالىق ازيا مەن وڭتۇستىك كاۆكازداعى حالىقارالىق قۇقىقتىق ىنتىماقتاستىق جەلىسىنىڭ (CASC – Judicial Cooperation Network for Central Asia and Southern Caucasus) ح مەرەيتويلىق پلەنارلىق وتىرىسىن وتكىزدى, دەپ حابارلايدى astana-akshamy.kz

انىقتاما:

CASC جەلىسى 2014 جىلى بۇۇ-نىڭ ەسىرتكى جانە قىلمىس جونىندەگى باسقارماسىنىڭ اياسىندا ءوزارا ءىس-قيمىلدىڭ بەيرەسمي مەحانيزمى رەتىندە قۇرىلعان جانە ورتالىق ازيانىڭ 5 ەلى (قازاقستان, قىرعىزستان, تاجىكستان, تۇركىمەنستان, وزبەكستان) جانە وڭتۇستىك كاۆكازدىڭ 3 ەلى (ارمەنيا, ازەربايجان, گرۋزيا) بەلگىلەگەن بايلانىس تۇلعالاردان تۇرادى.

بارلىق بايلانىس تۇلعالار – جەلىگە قاتىسۋشى ەلدەردىڭ باس پروكۋراتۋرالارىنىڭ حالىقارالىق-قۇقىقتىق ىنتىماقتاستىق بولىمشەلەرىنىڭ پروكۋرورلارى.

جەلىنىڭ نەگىزگى ماقساتى – بايلانىس تۇلعالار ارقىلى بەيرەسمي كونسۋلتاتسيالار جۇرگىزۋ جولىمەن وڭىرارالىق ءوزارا ءىس-قيمىلدى قولداۋ جانە قىلمىستىق ىستەر بويىنشا ءتيىمدى حالىقارالىق ىنتىماقتاستىققا قول جەتكىزۋ.

ءىس-شاراعا ازەربايجان, ارمەنيا, گرۋزيا, قىرعىزستان, تاجىكستان, تۇركىمەنستان جانە وزبەكستان پروكۋرورلارى, ۇلىبريتانيا, بەلگيا, گەرمانيا, تايلاند جانە تۇركيا ساراپشىلارى, بۇۇ ەقب-نىڭ (UNODC), ەۆPويۋست-تىڭ (EUROJUST), ەۋروپالىق ادىلەت جەلىسىنىڭ (EJN – European Judicial Network), وڭتۇستىك-شىعىس ازيا ەلدەرى ادىلەت جەلىسىنىڭ (SEAJust – South East Asia Justice Network), سىبايلاس جەمقورلىققا قارسى قۇقىق قورعاۋ ورگاندارىنىڭ جاھاندىق جەدەل جەلىسىنىڭ (GlobE Network – Global Operational Network of Anti-Corruption Law Enforcement Authorities) جانە باسقا دا ۇيىمداردىڭ وكىلدەرى قاتىستى.

قاتىسۋشىلارعا ارناعان سوزىندە باس پروكۋروردىڭ ورىنباسارى عالىمجان قويگەلديەۆ CASC جەلىسى حالىقارالىق قۇقىقتىق ىنتىماقتاستىق سالاسىنداعى ءبىلىم مەن تاجىريبە الماسۋدىڭ بىرەگەي پلاتفورماسىنا اينالعانىن, سونداي-اق بۇل وتىرىستىڭ ماقساتى حالىقارالىق ارىپتەستەرمەن ءوزارا ءىس-قيمىلدى ودان ءارى كۇشەيتۋ بولىپ تابىلاتىنىن اتاپ ءوتتى.

پلەنارلىق وتىرىسقا قاتىسۋشىلار قىلمىستىق ىستەر بويىنشا حالىقارالىق-قۇقىقتىق ىنتىماقتاستىقتىڭ جەكەلەگەن وزەكتى ماسەلەلەرىن, ءوزارا ءىس-قيمىلدىڭ تيىمدىلىگىن ارتتىرۋ, پروتسەستەردى تسيفرلاندىرۋ, كيبەرقىلمىسپەن, ەسىرتكى قىلمىسپەن, ۇيىمداسقان قىلمىسپەن, سىبايلاس جەمقورلىقپەن جانە اقشانى جىلىستاتۋمەن كۇرەسۋ جولدارىن, سونداي-اق اكتيۆتەردى قايتارۋدى تالقىلادى.

كەزدەسۋ ناتيجەسىندە جاھاندىق جانە وڭىرلىك قاۋىپ-قاتەرلەرگە قارسى تۇرۋ, قىلمىستاردىڭ الدىن الۋ جانە جولىن كەسۋ, سونداي-اق قوعام مەن ازاماتتاردىڭ قاۋىپسىزدىگىن قامتاماسىز ەتۋ بويىنشا بىرلەسكەن جۇمىستى كۇشەيتۋ جونىندە ۇسىنىستار ازىرلەندى.