استانادا ادام قۇقىقتارى جونىندەگى ۋاكىل كەڭسەسىنىڭ (اقجۋ) وكىلدەرى قۇقىقتىق اعارتۋ اكتسياسى اياسىندا م.جۇماباەۆا اتىنداعى حالىقارالىق كوللەدجگە بارىپ ءدارىس وقىدى, دەپ حابارلايدى astana-akshamy.kz
«باستاۋىش سىنىپ مۇعالىمى» ماماندىعى بويىنشا ءبىلىم الىپ جۇرگەن 70-كە جۋىق 3-4 كۋرس ستۋدەنتتەرى قازاقستان رەسپۋبليكاسىنداعى ادام قۇقىقتارى جونىندەگى ۋاكىلدىڭ جانە ادام قۇقىقتارى جونىندەگى ۇلتتىق ورتالىقتىڭ قىزمەتىمەن, سونداي-اق ومبۋدسمەن ينستيتۋتىنىڭ تاريحىمەن جانە ادام قۇقىقتارى سالاسىنداعى نەگىزگى حالىقارالىق قۇجاتتارمەن تانىستى.
سۇراق-جاۋاپ فورماتىندا وتكەن كەزدەسۋدە كوللەدج ستۋدەنتتەرى اڭگىمەگە بەلسەنە ارالاسىپ, ءبىلىم وشاعىنداعى گەندەرلىك تەڭدىك, جىنىستىق تاربيە سياقتى قۇقىقتىق ماسەلەنىڭ باعىتتارىن جان-جاقتى تالقىلادى.
ستۋدەنتتەردىڭ ءبىرى مۇنداي لەكتسيالار مەن كەزدەسۋلەر قوعامىمىزدىڭ ساۋاتىن ارتتىرۋعا, ادام قۇقىقتارىنا قاتىستى پروبلەمالاردان حاباردار بولۋعا سەپتىگىن تيگىزەتىنىن باسا ايتتى.
