– قازاقستان حالقى اسسامبلەياسىنىڭ قۇرىلعان كۇنىنە ارنالعان مەرەكە كوپۇلتتى ەل بىرلىگىنىڭ سيمۆولىنا اينالدى. 1 ناۋرىز – العىس ايتۋ كۇنى – ءبارىمىزدى بىرىكتىرەتىن تاماشا مەرەكە! بۇل كۇنى حالقىمىزدىڭ باسىنان وتكەن اۋىر سىناق جىلدارىن اسقان قۇرمەتپەن ەسكە الامىز. قازاق جەرى ميلليونداعان ادامداردى – ءتۇرلى ۇلت وكىلدەرىن, ءماجبۇرلى تۇردە كوشىپ كەلگەندەردى پانالاتىپ, جۇرەك جىلۋىمەن ءبولىستى. بۇل ادامدار مەن ولاردىڭ ۇرپاقتارى قازاقستاننان ەكىنشى وتانىن تاپتى. ولاردىڭ كوپشىلىگى رەسپۋبليكامىزدىڭ دامۋىنا ۇلكەن ۇلەس قوستى. مەيىرىمدىلىكتىڭ, ءوزارا كومەكتىڭ, ءبىر-بىرىمىزگە دەگەن سىيلاستىقتىڭ ارقاسىندا ءبىز قازىر مىڭ العىستى قازاق جەرىندە دوستىق پەن ءوزارا تۇسىنىستىكتە تاتۋ-ءتاتتى ءومىر ءسۇرىپ جاتىرمىز. بۇل مەرەكەنىڭ باستى ماقساتى حالقىمىزدىڭ بىرلىگىن ساقتاۋ دەپ ويلايمىن. ەلىمىزدىڭ دامۋىنداعى الداعى بارلىق تابىستار قوعام ءبىرلىگىنىڭ قۇنارلى توپىراعىندا عانا مۇمكىن بولماق. بارشا قازاقستاندىقتاردى مەرەكەمەن قۇتتىقتايمىن. سىزدەرگە باقىت, اماندىق, بەيبىتشىلىك پەن وركەندەۋ تىلەيمىن!
دميتري وستانكوۆيچ,
بەلارۋس مادەني
ورتالىعىنىڭ توراعاسى
