حالىقارالىق بايقاۋدىڭ جۇلدەگەرى
بەلگىلى جازۋشى, دارىندى دراماتۋرگ, قازاقستاننىڭ ەڭبەك سىڭىرگەن قايراتكەرى جولتاي ءالماشۇلى رەسەي فەدەراتسياسىنىڭ «زولوتوە پەرو رۋسي» ۇلتتىق ادەبي سىيلىعىنىڭ بيىلعى «بيسەر كيروۆ» اتىنداعى كۇمىس سىيلىعىنىڭ يەگەرى اتاندى.
ءبىراز جىلدان بەرى وتكىزىلىپ كەلە جاتقان بۇل ۇلتتىق ادەبي بايقاۋعا دۇنيە ءجۇزىنىڭ قالامگەرلەرى ءوز شىعارمالارىمەن قاتىسا الادى. بيىل دا وتە كوپ شىعارما تالقىعا سالىنعان.
مىنە, سولاردىڭ اراسىنان قازاق قالامگەرىنىڭ «ۆەچنايا ەلەگيا» اتتى ورىس تىلىندەگى اڭگىمەلەر جيناعى «رۋحانيات» نوميناتسياسى بويىنشا ەرەكشە اتالىپ ءوتىپ, كۇمىس جۇلدەگەر اتاندى.
مۇنى تەك قانا قارىمدى قالامگەردىڭ شىعارماشىلىق جەتىستىگى ەمەس, بۇكىل ۇلت ادەبيەتىنىڭ ءمارتەبەسى دەپ اتاعان ورىندى بولار.
ءبىز قازاق قالامگەرىن حالىقارالىق ماراپاتقا يە بولۋىمەن شىن جۇرەكتەن قۇتتىقتاپ, الداعى شىعارماشىلىق جۇمىستارىنا ساتتىلىك تىلەيمىز!