استانادا Respublica پارتياسىنىڭ وكىلدەرى تاۋ-كەن, مەتاللۋرگيا جانە وسى سالالارداعى تەحنولوگيالىق ماتەريالدار مەن جابدىقتار جەتكىزەتىن ۋاكىلەتتى ديلەر PES Global كومپانياسىنىڭ ەڭبەك ۇجىمىمەن كەزدەستى.
دەپۋتاتتىققا كانديداتتار قۋانىشبەك مۇقاش, ولجاس قۇسپەكوۆ جانە باقىتبەك حاميت جيىن بارىسىندا كاسىپكەرلەردىڭ ءدال قازىرگى ماسەلەلەرىن تالقىلاپ, Respublica پارتياسىنىڭ ماقسات-مىندەتتەرىنە توقتالدى.
Respublica پارتياسىنىڭ ميسسياسى – مەملەكەتتىك باسقارۋ جۇيەسىندە قازاقستاندىق كاسىپكەرلەردىڭ مۇددەلەرىن بىرىكتىرۋگە جانە ۇسىنۋعا ارنالعان ساياسي كۇش قۇرۋ. كاسىپكەرلىكتى دامىتۋ قازاقستاندىق ەكونوميكانىڭ جاڭا درايۆەرىنە جانە ەل ازاماتتارىنىڭ ءال-اۋقاتىنىڭ نەگىزىنە اينالادى دەپ ويلايمىز» دەدى ءماجىلىس دەپۋتاتتىعىنا كانديدات ولجاس قۇسپەكوۆ.
ال پارتيا وكىلى قۋانىشبەك مۇقاشتىڭ ايتۋىنشا, قازاقستان كاسىپكەرلەرى بيۋروكراتيا مەن سىبايلاس جەمقورلىققا ءجيى ۇشىرايدى, بۇل ادامداردى ءوز ءىسىن جۇرگىزۋدەن الشاقتاتادى, ويتكەنى مۇنداي جاعدايدا بيزنەستىڭ ۇزاق مەرزىمدى دامۋ ستراتەگياسىن قۇرۋ قيىنعا سوعادى. قازىرگى جاعدايدا قازاقستانعا كاسىپكەرلىك سالاسىندا ساپالى وزگەرىستەر قاجەت دەپ ەسەپتەيدى Respublica پارتياسى.
– ءبىز مەكتەپتەن باستاپ قالىپتاساتىن كۇشتى جانە تۇراقتى كاسىپكەرلىك مادەنيەتتى جاساۋعا جانە دامىتۋعا باسا نازار اۋدارامىز. ەكىنشىدەن, ناقتى جانە تۇراقتى ەرەجەلەرى بار بيزنەستى قالىپتاستىرۋ قاجەتتىگىن تۇسىنەمىز. ول ءۇشىن ساۋاتتى ءارى تۇسىنىكتى سالىق كودەكسىن ازىرلەپ, بەكىتۋدى ۇسىنىپ وتىرمىز, ونى ءۇش جىل بويى وزگەرتپەۋ كەرەك, – دەدى ق.مۇقاش.
وسىلايشا, Respublica كۇشتى كاسىپكەرلىك مادەنيەتتى قۇرۋعا جانە دامىتۋعا باسا نازار اۋدارادى. ولار ناقتى جانە تۇراقتى ەرەجەلەرى بار بيزنەس-ورتانى قالىپتاستىرۋ, قولجەتىمدى قارجى قۇرالدارى مەن قىزمەتتەرىنە كەڭ قولجەتىمدىلىكتى قامتاماسىز ەتۋ, ادامي كاپيتالدى دامىتۋ, بيۋروكراتيالىق كەدەرگىلەردى ازايتۋ جانە كۆازيمەملەكەتتىك سەكتوردىڭ نارىقتىق بيلىگىن شەكتەۋ سياقتى باستامالاردى كوتەرىپ وتىر.
