كوشپەلى كەڭەس ءوتتى
ەلوردادا حالىقتىڭ ءوسۋىن, تۇرعىن ءۇي جانە الەۋمەتتىك نىساندار قۇرىلىسىن ەسكەرە وتىرىپ, بەينەباقىلاۋ كامەرالارىن جەدەل باسقارۋ ورتالىعىنا قوسۋ بەلسەندى جۇرگىزىلۋدە. بۇل تۋرالى ءماسليحات توراعاسى ەرلان كاناليموۆ ءمالىم ەتتى.
«بۇگىندە استانادا 32 مىڭنان استام بەينەكامەرا بار, ال ەڭ باسىندا 16-سى عانا بولدى. ولاردىڭ سانى جىل سايىن ارتىپ كەلەدى. ەلوردالىق پوليتسيا دەپارتامەنتىنىڭ جەدەل باسقارۋ ورتالىعىندا كوشپەلى كەڭەس وتكىزىپ, جەدەل زالدىڭ جانە كەزەكشى اۋىسىمنىڭ جۇمىسىمەن تانىستىق, دەپۋتاتتارعا دابىل تۇيمەلەرىنىڭ, «سەرگەك» جانە «قورعاۋ» جۇيەلەرىنىڭ جۇمىسىن كورسەتتى. سونىمەن قاتار, پوليتسيا دەپارتامەنتىنىڭ جاڭا عيماراتىنا باردىق. جاقىن ارادا پوليتسيا دەپارتامەنتى باسشىلىعىنىڭ قاتىسۋىمەن قۇقىقتىق ءتارتىپ پەن قاۋىپسىزدىك سالاسىنداعى پروبلەمالىق ماسەلەلەر بويىنشا ءماسليحاتتىڭ جۇمىس كەڭەسىن وتكىزەمىز. بەينەباقىلاۋ كامەرالارىن ورناتۋ قاجەت پروبلەمالىق ۋچاسكەلەر بويىنشا, اسىرەسە قالانىڭ 16 تۇرعىن الابىندا قاجەتتى جابدىقتار, شتاتتىق كەستە بولىگىندەگى ماسەلەلەردى قاراستىرامىز. قالا تۇرعىندارىنىڭ قاۋىپسىز جانە جايلى ءومىر ءسۇرۋ ماسەلەلەرى قالا بيلىگى مەن دەپۋتاتتىق كورپۋستىڭ ەرەكشە باقىلاۋىندا» دەپ جازدى ە.كاناليموۆ الەۋمەتتىك جەلىدەگى پاراقشاسىندا.