استانادا ون كۇن ىشىندە ترانسپورت كارتاسىن قولدانۋشىلار سانى ەكى ەسەگە ارتتى. بۇل تۋرالى «استانا LRT» مەكەمەسىنىڭ ءباسپاسوز قىزمەتى حابارلادى.
«استانا LRT» مەكەمەسى ەلەكتروندى تولەم جۇيەسىنىڭ 21 شىلدە مەن 5 تامىز ارالىعىنا تالداۋ جاساعان. ديففەرەنتسيالدى ءتاريفتى ەنگىزگەلى جۇمىس كۇندەرى جولاۋشىلار اعىنى 530 مىڭنان 580 مىڭعا دەيىن كوبەيگەن. ياعني ترانسپورت كارتاسىن قولدانۋشىلار سانى ەكى ەسەگە ۇلعايىپ وتىر.
ايتا كەتەيىك, ترانسپورت كارتاسى ءبىر عانا جولاۋشىعا جول اقىسىن تىركەۋگە مۇمكىندىك بەرەدى. ونىڭ جارامدىلىق مەرزىمى – 5 جىل. «ترانسپورت ءاميانى» ءتاريفى بويىنشا جۇكتەلگەن قارجىنىڭ پايدالانۋ مەرزىمى شەكسىز.
