كولىكپەن دە عالامتورعا كىرەسىڭ
وتكەن جۇما كۇنى استانا قالاسى اكىمىنىڭ ورىنباسارى ءنۇرالى اليەۆ «Beeline قازاقستاننىڭ» باس ديرەكتورى تاراس پارحومەنكومەن كەزدەستى.
كەزدەسۋ بارىسىندا «Beeline قازاقستان» كومپانياسى بيىل ەلوردانىڭ ءجۇز قوعامدىق كولىگىندە تەگىن ينتەرنەت جۇيەسىن ىسكە قوساتىنى تۋرالى مالىمدەدى. اعىمداعى جىلدىڭ 1 شىلدەسىنەن باستاپ ەلۋ قالالىق اۆتوبۋس جولاۋشىلارى تەگىن ينتەرنەتتى قولدانا باستاسا, 1 قازاننان باستاپ تاعى دا ەلۋ اۆتوبۋستا تەگىن ينتەرنەت ورناتىلادى.
– بۇگىندە سمارتفوندار مەن پلانشەتتەردى قولدانۋعا دەگەن سۇرانىس كۇن ساناپ ارتىپ كەلە جاتقاندىقتان, ەلوردا تۇرعىندارى ءۇشىن ءموبيلدى ينتەرنەتتىڭ بارلىق جەردە قول جەتىمدىلىگى زاماناۋي قاجەتتىلىكتەن تۋىنداپ وتىر. اتالعان جوبانىڭ باسىمدىلىعى – جولاۋشىلاردىڭ بارلىعىنا بىردەي تيىمدىلىگىندە جاتىر. ءارى كەز كەلگەن بايلانىس وپەراتورىنىڭ قىزمەتىن پايدالانا بەرۋگە بولادى, – دەدى قالا اكىمىنىڭ ورىنباسارى ن.اليەۆ.
جوبانىڭ سەرىكتەستەرى استانا اكىمدىگىنە قاراستى «استانا Innوvations» اق يننوۆاتسيالىق دامۋ وپەراتورى جانە ەلوردانىڭ كولىك ينفراقۇرىلىمى دامۋىنىڭ وپەراتورى «استانا LRT» جشس-ى بولىپ وتىر.