سوڭعى جىلدارى ەلوردامىزدا مۇگەدەكتەرگە ارنالعان تاكسي قىزمەتىنىڭ دامۋى دۇرىس جولعا قويىلدى. سونىڭ ايقىن دالەلى – «ينۆاتاكسي» قىزمەتى. قاراپايىم تىلمەن تۇسىندىرەتىن بولساق, بۇل مۇمكىندىگى شەكتەۋلى جاندارعا ارنالعان كولىك ءتۇرى.
«وردا» استانا قالاسىنداعى اۋتيزممەن اۋىراتىن بالالاردىڭ اتا-انالارىنىڭ بىرلەستىگى» قوعامدىق ۇيىمىنىڭ جەتەكشىسى سالتانات ەسماعامبەتوۆا مۇگەدەكتەردى الەۋمەتتىك جاعىنان قورعاۋ ەلىمىزدەگى الەۋمەتتىك قولداۋدىڭ اسا ماڭىزدى باعىتتارىنىڭ ءبىرى ەكەنىن ايتادى. «ەلوردامىزدا «ينۆاتاكسي» قىزمەتىن ۇسىنۋعا, دامىتۋعا ەرەكشە نازار اۋدارىپ وتىرمىز. قازىرگى كەزدە مۇگەدەك جانداردى «ينۆاتاكسيدىڭ» 23 اۆتوكولىگى تاسىمالدايدى. سونىڭ ىشىندە 5 كولىك ارباعا تاڭىلعان جانداردى («مۇگەدەكتەر كونفەدەراتسياسى» رەسپۋبليكالىق قوعامدىق بىرلەستىگى), 11 كولىك مۇمكىندىگى شەكتەۋلى بالالاردى (№65 مەكتەپ, «مەيىرىم» قوعامدىق قورى), 7 كولىك زاعيپ مۇگەدەكتەردى («قازاق سوقىرلار قوعامى» قوعامدىق بىرلەستىگى) باراتىن جەرىنە جەتكىزەدى» دەيدى ول.
جىل سايىن شامامەن 3 مىڭعا جۋىق مۇگەدەكتەر ارنايى كولىكتەرمەن قامتاماسىز ەتىلەدى, سونىڭ ىشىندە 1 مىڭعا جۋىعى – بالالار. «ينۆاتاكسي» قىزمەتىن پايدالانۋ ءۇشىن ءوتىنىش بەرۋ جەتكىلىكتى. بەلگىلەنگەن ۋاقىتتان كەشىكپەي كەلگەن تاكسي مۇگەدەك جولاۋشىلاردى ەمحاناعا, مەكتەپكە, جۇمىسقا جانە ۇيىنە جەتكىزىپ سالادى.
«ايتا كەتەرلىك جايت, زاعيپ جاندار 2014 جىلدان بەرى «ينۆاتاكسي» قىزمەتىن پايدالانۋعا مۇمكىندىك العان. ويتكەن سەبەبى, قازىرگى تاڭدا مۇمكىندىگى شەكتەۋلى جانداردىڭ بارلىعى قوعامدا بەلسەندى ءومىر سۇرەدى. ولار مەملەكەتتىك جانە جەكەمەنشىك ۇيىمدارعا جۇمىسقا ورنالاسادى» دەدى ءسوز سوڭىندا سالتانات ەسماعامبەتوۆا.
