Amanat پارتياسى جاڭا وقۋ جىلى قارساڭىندا «بالانى مەكتەپكە جينايىق» جالپىرەسپۋبليكالىق قايىرىمدىلىق اكتسياسىن باستادى. بۇل اكتسيا پارتيالىق «باقىتتى وتباسى» جوباسى اياسىندا ءداستۇرلى تۇردە وتكىزىلەدى. ونىڭ باستى ماقساتى – كوپبالالى جانە الەۋمەتتىك جاعىنان از قامتىلعان وتباسىلارعا بالالارىن 1 قىركۇيەككە دەيىن مەكتەپكە دايىنداۋعا كومەكتەسۋ.
شاراعا پارتيانىڭ ورتالىق اپپاراتى مەن ايماقتىق فيليالدارىنىڭ قىزمەتكەرلەرى, پارتيا دەپۋتاتتارى, باستاۋىش پارتيا ۇيىمدارىنىڭ مۇشەلەرى جانە قاراپايىم ازاماتتار قاتىسادى. اكتسيا اياسىندا ەل اۋماعىنداعى 30 مىڭنان استام بالا جاڭا وقۋ جىلىنا ارنالعان جيىنتىقتار الادى دەپ جوسپارلانىپ وتىر. ياعني ولارعا مەكتەپ فورماسى, وقۋلىقتار مەن كەڭسە تاۋارلارى سالىنعان ريۋكزاكتار تابىستالادى. وسى ماسەلەگە قاتىستى ۇكىمەت باسشىسى ءا.سمايىلوۆتىڭ ايتقان ءسوزىن 2-بەتتەن وقي الاسىزدار.
