ورتالىق ازياداعى ەڭ ۇلكەن مەشىت
ەلوردادا ورتالىق ازياداعى ەڭ ۇلكەن مەشىتتىڭ اشىلۋ سالتاناتى ءوتتى. ءىس-شاراعا قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆ جانە ءبىر توپ مەملەكەت جانە قوعام قايراتكەرلەرى قاتىستى.
جاڭا مەشىتتىڭ باس كۇمبەزىنىڭ بيىكتىگى – 90 مەترگە جۋىق, ال مۇنارالارى – 130 مەتر. قۇلشىلىق ۇيىنە ءبىر مەزگىلدە 30 مىڭ ادامعا دەيىن قابىلدانادى.
«قاسيەتتى جۇما كۇنى ەلوردامىزدا ەڭسەلى مەشىت اشىلىپ وتىر. بۇل ەلوردامىز – نۇر-سۇلتان قالاسىنىڭ باس مەشىتى دەپ اتالادى. تاۋەلسىزدىك داۋىرىندە ءبىزدى قولداعان, ەلىمىزدى ەل قىلۋعا جار بولعان اللا تاعالاعا دەگەن قۇرمەتىمىزبەن مەن وسى مەشىتتى سالۋعا نيەت جاسادىم. بۇل – باس قالامىز عانا ەمەس, بۇكىل ەلىمىز, بارلىق مۇسىلمان قاۋىمى ءۇشىن ماڭىزدى وقيعا» دەدى مەشىتتىڭ اشىلۋ سالتاناتىندا نۇرسۇلتان نازارباەۆ.
سونداي-اق ن.نازارباەۆ كەيىنگى 30 جىلدا باس قالادا كوپتەگەن ەڭسەلى نىساندار بوي كوتەرگەنىن ايتتى.