ەلوردا تۇرعىندارى مەن قوناقتارى جول ءجۇرۋ باعىتتارىن الدىن الا جوسپارلاۋى قاجەتتىگىن ەسكە سالامىز. قالامىزداعى راقىمجان قوشقارباەۆ داڭعىلىنان باستاپ كولىك ايرىعىنا دەيىنگى ۋچاسكەدە م1 كوپىرىندە مارشرۋتتىق ادىسپەن ورتاشا جوندەۋ جۇمىستارى جۇرگىزىلەتىن بولادى. وسىعان بايلانىستى 29-30 تامىز ارالىعىندا اۆتوكولىك قوزعالىسى ءۇشىن كوشە ءىشىنارا جابىلادى.
«ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماس ءۇشىن ءوز مارشرۋتتارىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم سۇرايمىز جانە جوندەۋ جۇمىستارى جۇرگىزىلۋىنە تۇسىنىستىكپەن قاراۋدى سۇرايمىز» دەپ اتاپ ءوتتى كولىك جانە جول-كولىك ينفراقۇرىلىمىن دامىتۋ باسقارماسى.
