سارىارقا اۋدانىندا 2021 جىلى 100 كوشەنى جارىقتاندىرۋ, سونىڭ ىشىندە كەيبىر جەلىلەردى اكىمدىك اپپاراتىنىڭ بالانسىنا الۋ ماقساتى قويىلدى. بۇل جۇمىس جارىقتى ۇزبەي بەرۋ جانە تۇرعىنداردىڭ قاۋىپسىزدىگىن قامتاماسىز ەتۋ ءۇشىن اسا ماڭىزدى.
قالانىڭ جاۋاپتى باسقارمالارىمەن بىرگە جەلىلەردى بالانسقا الۋدىڭ «جول كارتاسى» ازىرلەندى. وسى جىلدىڭ باسىنان بەرى 72 كوشە مەن تۇيىق كوشە كوممۋنالدىق مەنشىككە الىندى. سونىمەن قاتار سىرتقى جارىقتاندىرۋ بويىنشا جۇمىستار جۇرگىزىلىپ, 26 كوشەدە قوسىمشا باعاندار مەن جارىقديودتى شامدار ورناتىلدى. بۇل كوشەلەر بۇرىن جارىقتاندىرىلماعان ەدى. وسىلايشا بيىل وسى ۋاقىتقا دەيىن 98 كوشە مەن تۇيىق كوشە جارىقتاندىرىلدى.
بۇل باعىتتا جۇمىس جالعاسىپ جاتىر. جىل اياعىنا دەيىن تاعى 10 كوشەنى بالانسقا الىپ, 5 كوشەنى جارىقتاندىرۋ جوسپارلانىپ وتىر.
