ايمان مۇساقوجاەۆا,
قازاق ۇلتتىق ونەر
ۋنيۆەرسيتەتىنىڭ رەكتورى,
حالىق ءارتىسى, قازاقستاننىڭ ەڭبەك ەرى
ەلوردالىق قوعام بەلسەندىلەرى تۇڭعىش پرەزيدەنت كۇنىنە وراي شارا باستادى. اتاپ ايتقاندا, الداعى كۇندەرى ەلوردانى كوشىرۋ, قالا سالۋ, ءىرى نىسانداردىڭ اشىلۋى تۋرالى بىرقاتار بەينەروليكتەر كورسەتىلەدى.
– 1997 جىلى ەلوردا اقمولاعا كوشكەندە ءبىز, جاستار, قازاق ۇلتتىق مۋزىكا اكادەمياسىن قۇرساق دەپ تالپىندىق. نۇرسۇلتان ءابىشۇلى, ۇكىمەت جانە قالا اكىمى ادىلبەك جاقسىبەكوۆ تە ايانىپ قالمادى. مىنە, بۇگىن ءبىزدىڭ وسىندا قىزمەت ىستەپ جاتقانىمىزعا 22 جىل بولدى. قازاق ۇلتتىق مۋزىكا اكادەمياسى رەتىندە 10 جىل جۇمىس ىستەدىك. ەندىگى اتاۋى – قازاق ۇلتتىق ونەر ۋنيۆەرسيتەتى. ءبىزدىڭ وقۋ ورنىمىزدىڭ قالىپتاسۋ كەزەڭىندە ەلباسى بىزگە كوپ كومەك كورسەتتى. وسى كەزەڭدە ەلىمىزدە ارتىستەردىڭ جاڭا بۋىنى – ديماش قۇدايبەرگەن, سۇندەت بايعوجين, لاۋرا احمەتوۆا ءوستى. بۇلار – ءبىزدىڭ مادەنيەتىمىزدى تانىتىپ جۇرگەن ناعىز دارابوزدار. ەلباسى نۇرسۇلتان ءابىشۇلى نازارباەۆ جاڭا استانادا مادەنيەتتى قالىپتاستىرا باستاعان ۋاقىتتى ءبىز رەنەسسانس, ياعني قازاقستاندىق مادەنيەتتى قايتا جاڭعىرتۋ كەزەڭى دەپ اتايمىز.
نۇرسۇلتان حاميتوۆ,
ەلورداداعى تۋريستىك
پوليتسيا قىزمەتكەرى
– ءبىزدىڭ قالامىز كۇننەن-كۇنگە دامىپ, شەتەلدەن تۋريستەر كەلىپ, ءبىزدىڭ قازاقستانمەن, استانامىزبەن تانىسىپ جاتىر. سوندىقتان ەلوردامىزعا تۋريستىك پوليتسيا قىزمەتكەرلەرى كەرەك, سەبەبى تۋريستەرمەن تىكەلەي بايلانىستا بولاتىن – وسى تۋريستىك پوليتسيا, ولار قانداي دا ءبىر كومەك, زاڭدى اقپارات كەرەك بولسا بىزگە جۇگىنەدى, سوندىقتان ەلوردانى باسقا ەلدەرگە تانىتۋ ءۇشىن تۋريستىك پوليتسيا قىزمەتكەرلەرىنىڭ ماڭىزى زور ەكەنىن اتاپ وتۋگە بولادى.
تۋريستىك پوليتسيا بولۋدىڭ ەرەكشەلىگى – ەڭ ءبىرىنشى شەتەل ازاماتتارىمەن, تۋريستەرمەن تىكەلەي بايلانىستا بولۋ, ەكىنشىدەن, ولارعا قانداي دا ءبىر كومەك كورسەتۋ, قارىم-قاتىناس جاساي ءبىلۋ. تۋريستەرگە ءبىزدىڭ قازاقستان رەسپۋبليكاسى پوليتسەيلەرىنىڭ اتىنان تاريحىمىز تۋرالى ماعلۇمات بەرىپ, باتىرلارىمىزدى تانىستىرۋ, ولاردىڭ ەرلىكتەرى تۋرالى ايتۋ. نۇر-سۇلتان قالاسىنداعى تۋريستەر كوپ باراتىن ەرەكشە جەرلەردى كورسەتۋ ءبىزدىڭ تىكەلەي مىندەتىمىزگە جاتادى. مەن دە تۇڭعىش پرەزيدەنتىمىز سەكىلدى نۇرسۇلتان ەسىمىنە ساي بولىپ, قازاقستان رەسپۋبليكاسىنا, قازاق ەلىنە ايانباي ەڭبەك ەتكىم كەلەدى.
