استانا قالالىق ءماسليحاتىنىڭ حاتشىسى ەرلان كاناليموۆ جاڭا جىلدىڭ باسىندا ءماسليحاتتىڭ 2022 جىلى اتقارعان جۇمىستارىنىڭ قورىتىندىسىن شىعاردى. ونىڭ ايتۋىنشا, وتكەن جىلى ءماسليحاتتا 35 سەسسيا وتكىزىلگەن. سونىڭ ىشىندە 7 كەزەكتى جانە 28 كەزەكتەن تىس سەسسيادا 270-تەن استام ماسەلە قارالىپ, ءتيىستى شەشىمدەر قابىلدانعان.
– الەۋمەتتىك سالانىڭ دامۋىنا ۇلكەن ۇلەس قوسىلدى. ءبىز الەۋمەتتىك سالا قىزمەتكەرلەرىنىڭ جالاقىسىن ارتتىرۋ, توتەنشە جاعداي قىزمەتكەرلەرىنە الەۋمەتتىك كومەك كورسەتۋگە قاراجات ءبولۋ, گازعا قوسىلعان كەزدە از قامتىلعان وتباسىلارعا ماتەريالدىق كومەك كورسەتۋ, مۇگەدەكتىگى بار بالالار مەن ەرەسەكتەردى وڭالتۋ جانە ت.ب. بويىنشا ۇسىنىستاردى قولدادىق. جەرگىلىكتى جاعدايدى ناقتىلاۋ ءۇشىن 200-دەن استام كوشپەلى وتىرىس وتكىزىلدى, ولاردىڭ جۇمىسىنا مەملەكەتتىك ورگانداردىڭ, ۇەۇ باسشىلارى, ەڭبەك ۇجىمدارى قاتىستى. تۇرعىن ءۇي الاپتارىن اباتتاندىرۋ دەڭگەيىن ارتتىرۋ بويىنشا ماقساتتى جۇمىستىڭ قورىتىندىسى الماتى اۋدانىندا ورنالاسقان «يۋگو-ۆوستوك» شاعىن اۋدانىنىڭ كەشەندى دامۋ جوسپارىن ازىرلەنىپ, جۇزەگە اسۋدا. وسى جوسپارعا سايكەس باسقا الاپتاردى دامىتۋ جوسپارلارى دايىندالدى, – دەدى ە.كاناليموۆ.
سونىمەن قاتار قالا اۋداندارىنىڭ تۇرعىندارىمەن كەزدەسۋ قورىتىندىسى بويىنشا دەنساۋلىق ساقتاۋ, قۇقىقتىق ءتارتىپتى قامتاماسىز ەتۋ, توتەنشە جاعدايلاردىڭ الدىن الۋ سالاسىنداعى نەگىزگى ماسەلەلەردى جۇيەلەۋ دە – ماڭىزدى جەتىستىك. ناتيجەسىندە بولجامدى شىعىستار مەن قارجىلاندىرۋ كوزى ەسكەرىلە وتىرىپ, ءۇش جىلدىق كەزەڭگە ارنالعان جۇمىس جوسپارى دايىندالعان.
«ءبىز العاشقىلاردىڭ ءبىرى بولىپ «تاۋەلسىزدىكتىڭ 30 جىلدىعىنا ارنالعان 30 يگى ءىس» اكتسياسىن قولدادىق جانە ءالى دە وتكىزىپ جاتىرمىز. ورتا جانە جوعارى وقۋ ورىندارىندا جىل سايىنعى تەگىن وقۋ گرانتتارى, اۋرۋحانالاردى قورعاۋ قۇرالدارىن ساتىپ الۋ مەن قىمبات زاماناۋي جابدىقتاردى ساتىپ الدىق» دەيدى ءماسليحات حاتشىسى. VII شاقىرىلىمداعى دەپۋتاتتار ەكى جىل ىشىندە ەلوردانىڭ مۇقتاج تۇرعىندارىنا, سونداي-اق وقۋ جانە مەديتسينالىق مەكەمەلەرگە 1 ملرد تەڭگەدەن استام سوماعا قايىرىمدىلىق كومەك كورسەتكەن.
