مەن №1 اۆتوپاركتە 2015 جىلدان بەرى اۆتوبۋس جۇرگىزۋشىسى بولىپ قىزمەت ەتەمىن.
مەن بۇل قىزمەتكە باۋلىعان اكەم, ءوزى دە اۆتوبۋس جۇرگىزۋشى بولعان. اكەمنىڭ قاسىندا ءجۇرىپ وسى جۇمىسقا قىزىعۋشىلىعىم وياندى. تاڭعى 5:00-دەن جۇمىسقا اسىعامىز. باعىتىمىزدى انىقتاپ الىپ, مەديتسينالىق تەكسەرۋدەن وتەمىز. ودان كەيىن اۆتوبۋستى تۇراقتان شىعارىپ, جۇمىسقا كىرىسەمىز. 18 جاسىمنان بەرى كولىك جۇرگىزەمىن. حالىققا 5 جىلدان بەرى قىزمەت ەتىپ كەلە جاتقاندىقتان, جولاۋشىلاردىڭ دا ءجۇزى تانىس. كورگەندە اماندىق-ساۋلىق سۇراسىپ تۇرامىز. حالىقپەن قالاي جۇمىس ىستەيسىڭ, ولار دا ءدال سولاي جاۋاپ قايتارادى. اۆتوبۋس جۇرگىزۋشىسى بولۋ ءۇشىن سابىرلى, جاۋاپكەرشىلىگى مول بولۋى كارەك. تاڭنان كەشكە دەيىن حالقىما ادال قىزمەت ەتىپ, ۇيگە امان-ەسەن ورالسام, سونىڭ ءوزى – ۇلكەن قۋانىش, مەن ءۇشىن جەتىستىك.
دانيار ساتيشەۆ,
اۆتوبۋس جۇرگىزۋشىسى
