كۇن وتكەن سايىن كوگالدانىپ كەلە جاتقان ەلوردامىزدىڭ كوركەيۋىنە تۇرعىندارمەن قاتار مەملەكەتتىك مەكەمە ۇجىمدارى دا ءبىر كىسىدەي ۇلەس قوسۋدا.
«كۇز ايى كەلگەننەن باستاپ ءار سەنبى اعاش وتىرعىزۋ شاراسى داستۇرگە اينالعان. اۋا رايىنا قاراماستان قالا تۇرعىندارى يگى ىسكە مۇرىندىق بولىپ ءجۇر» دەدى قالا اكىمىنىڭ ورىنباسارى باقتيار ماكەن.
بۇل جولعى كوگالداندىرۋ جۇمىستارىنا Elorda Aqparat جشس-ءنىڭ قىزمەتكەرلەرى, جۋرناليستەر قاۋىمى اتسالىستى. «سەنبىلىككە مەكەمەمىزدە كوپ جىلدار بويى ەڭبەك ەتكەن قىزمەتكەرلەرىمىز بەن جاڭادان قوسىلىپ جاتقان جاس ماماندار كەلدى. بۇل – ۇرپاقتار ساباقتاستىعى ءۇشىن ونەگەلى شارا. قالا اكىمدىگى مەن الماتى اۋدانىنىڭ قولداۋىمەن وسىنداي اكتسياعا قاتىسىپ جاتىرمىز. بارلىعىمىز ەلوردامىزدىڭ كوركەيۋى جولىندا ەڭبەك ەتكەندىكتەن قالام ۇستاعان ارىپتەستەرىمىز دە ۇلەس قوسۋدا» دەدى Elorda Aqparat جشس ديرەكتورى جارقىن ءجۇمادىلوۆ.
پاندەميا كەزىندە اسىرەسە كوپىردىڭ استىندا اشىلعان سپورت الاڭدارىنا جاستاردىڭ كوپ جينالعانى بەلگىلى. ەندەشە مۇنداي يگى شارالار كوپكە ۇلگى بولارى انىق.
