«جول بەر – ءومىرىڭدى ساقتا!» تاقىرىبىمەن وتكەن رەيد بارىسىندا جەدەل جاردەم كولىگى قالا كوشەلەرىن دابىل بەلگىسىمەن ءجۇرىپ ءوتتى. ارتىندا كەلە جاتقان جەدەل جاردەم كولىگىن بايقاماعان, دابىلىن ەستىمەگەن جۇرگىزۋشىلەر كەزدەسپەدى.
اتالعان اكتسيا رەسپۋبليكالىق دەڭگەيدە وتكىزىلىپ جاتىر. جەدەل جاردەم كولىگى شاقىرىلعان جەرگە 15 مينۋتتا جەتۋى كەرەك. بىراق كولىك كەپتەلىسى مەن جۇرگىزۋشىلەردىڭ جول بەرمەۋى كەسىرىنەن العاشقى كومەك كورسەتۋشىلەر جارتى ساعاتقا دەيىن كەشىگەدى. جەدەل جاردەم كولىگىن تىزگىندەگەن جۇرگىزۋشىلەر بولسا, جول ەرەجەسىن بۇزىپ, قارسى بەتپەن جۇرەتىن كەزدەر ءجيى بولادى دەيدى. وسى ورايدا «ادالدىق الاڭى» جوباسى اياسىندا جوبالىق كەڭسە, پوليتسيا دەپارتامەنتى, مەديتسينا قىزمەتكەرلەرى قالا كوشەلەرىنە دارىگەرلەرگە جول بەرمەيتىن جۇرگىزۋشىلەردى انىقتاۋ ماقساتىندا رەيدكە شىقتى. اكتسيانىڭ نەگىزگى ماقساتى – ادام ومىرىنە اراشا تۇسۋگە اسىققان اق حالاتتىلاردىڭ جولىن كەس-كەستەپ, كەدەرگى جاسايتىن كولىك يەلەرىن جاۋاپكەرشىلىككە تارتۋ.
