تاسقىن سۋدان زارداپ شەككەن وڭىرلەرگە گۋمانيتارلىق كومەك جونەلتۋ جالعاسۋدا. بۇل ىسكە قوعامدىق ۇيىمدار دا وزىندىك ۇلەسىن قوسىپ جاتىر.
استانا قالاسىنىڭ «اۋعانستان سوعىسى مۇگەدەكتەرى مەن ارداگەرلەرى وداعى» قوعامدىق بىرلەستىگى اقمولا وبلىسىنىڭ بۇلاندى اۋدانىنا 10 توننا كومەك جەتكىزدى. قوعامدىق بىرلەستىك باسقارماسىنىڭ كومەك كورسەتۋ جونىندەگى باستاماسىن ۇيىم مۇشەلەرى ءبىراۋىزدان قولدادى. استانالىق «اۋعاندىق» ارداگەرلەر ءبىر اپتا ىشىندە ازىق-تۇلىك جانە كۇندەلىكتى تۇرمىسقا قاجەتتى زاتتاردى جينادى. سونداي-اق قارجىلاي كومەك بەرۋشىلەر دە بولدى.
«ءبىزدىڭ ارداگەرلەر ەلىمىزدە ورىن الىپ جاتقان قيىن جاعدايعا بەي-جاي قاراي المادى. ءبىر اپتا ىشىندە 10 مىڭ توننادان اسا گۋمانيتارلىق كومەك جيناپ ۇلگەردىك. 100 قاپ ۇن, 100 قاپ پياز, 100 ليتر سۇيىق ماي جانە باسقا دا ازىق-تۇلىكپەن قاتار, توسەك جابدىقتارى, گيگيەنا زاتتارى جينالدى. بارلىق كومەكتى بۇلاندى اۋدانىنداعى شتابقا تاپسىردىق. ءبىز وسىلايشا حالىقپەن بىرگە ەكەنىمىزدى, ەلىمىزدىڭ باسىنا تۇسكەن قيىندىقتى بولىسكىمىز كەلدى» دەيدى استانا قالاسىنىڭ «اۋعانستان سوعىسى مۇگەدەكتەرى مەن ارداگەرلەرى وداعى» قب توراعاسى مەيرامبەك تولەكپاەۆ.
