1 مامىردان باستاپ ەلىمىزدىڭ بارلىق وڭىرىندە «ارداگەرلەرگە تاعزىم» قايىرىمدىلىق اكتسياسى وتەدى, دەپ حابارلايدى astana-akshamy.kz
ءىس-شارانىڭ ماقساتى – ەكىنشى دۇنيەجۇزىلىك سوعىس ارداگەرلەرى مەن تىل ەڭبەككەرلەرىنە ۆولونتەرلەر تاراپىنان قولداۋ كورسەتۋ. يگى ىسكە 4,5 مىڭنان استام ۆولونتەر قاتىسادى.
سونىمەن قاتار «Jas niet», «جاقىنعا كومەك» جانە باسقا دا اكتسيالار اياسىندا ۆولونتەرلەر 1000 ارداگەر مەن تىل ەڭبەككەرىنىڭ ۇيىنە بارىپ, ەستەلىك سىيلىقتار تابىستايدى دەپ جوسپارلانۋدا. سونداي-اق ۆولونتەرلەر جالعىز تۇراتىن ارداگەرلەر مەن تىل ەڭبەككەرلەرىنىڭ ۇيلەرى مەن اۋلالارىن تازالاۋ بويىنشا رەيدتەر ۇيىمداستىرادى.
قازاقستاننىڭ بارلىق وڭىرلەرىندە 1 مامىردان 9 مامىرعا دەيىن ءىى دۇنيەجۇزىلىك سوعىستاعى جەڭىس كۇنىن مەرەكەلەۋگە ارنالعان «جەڭىمپازدار تاريحى» ونلاين-چەللەندجى وتەدى.
