ەلوردادا جەتى مىڭنان استام مۇمكىندىگى شەكتەۋلى بالا تىركەلگەن. ولاردىڭ ءبىر مىڭعا جۋىعىنا ناۋقاستارىنا قاراي يپپوتەراپيامەن اينالىسۋ اسا قاجەت دەپ ەسەپتەلەدى.
يپپوتەراپيا – اتپەن ءجۇرۋ ارقىلى تىرەك-قيمىل اپپاراتىنىڭ دامۋىن ىنتالاندىراتىن, كوورديناتسيانى جاقسارتىپ جانە توزىمدىلىكتى جاتتىقتىراتىن ەمدەۋ ءتاسىلىنىڭ ءبىر ءتۇرى. اتقا مىنگەن كەزدە بالانىڭ بارلىق بۇلشىق ەتتەرى ارەكەتتەنىپ, جالپى فيزيكالىق دامۋى جاقسارادى. يپپوتەراپيانىڭ ەرەكشەلىگى مۇمكىندىگى شەكتەۋلى بالالاردىڭ پسيحيكاسىنا اسەر ەتەتىن ۇيلەسىمىندە جاتىر. بۇل ءادىس ينسۋلتتان, باس ميىنىڭ جاراقاتىنان جانە جۇلىن جاراقاتتارىنان كەيىنگى وڭالتۋدا تاماشا ناتيجەلەر كورسەتەدى. تسەرەبرالدى سال اۋرۋى, اۋتيزم, پسيحيكالىق جانە مىنەز-قۇلىقتىڭ كەيبىر اۋىتقۋشىلىقتارىن ەمدەۋدە جاقسى ناتيجە بەرەدى.
ەلوردادا مۇمكىندىگى شەكتەۋلى بالالاردىڭ يپپوتەراپيامەن اينالىسۋى ءۇشىن «ارعىماق» ات-سپورتتىق ساۋىقتىرۋ كەشەنى وتكەن جىلدىڭ كوكتەمىنەن باستاپ جۇمىس ىستەي باستادى. بالالار, ونىڭ ىشىندە ەرەكشە بالالار يپپوتەراپيا ساباقتارىنا قاتىسۋعا مۇمكىندىك الدى. يپپودروم بالالاردىڭ دەنساۋلىعىن نىعايتىپ, پسيحوەموتسيونالدى جاعدايىن جاقسارتاتىن پايدالى ءىس-شارالارعا قول جەتكىزۋگە مۇمكىندىك بەرەدى.
– كەشەننىڭ عيماراتتارى, سپورت الاڭدارى حالىقارالىق ستاندارتتارعا تولىقتاي سايكەس كەلەدى. مۇندا دا رەسپۋبليكالىق جانە حالىقارالىق دەڭگەيدەگى ءتۇرلى تۋرنيرلەر مەن سپورتتىق ءىس-شارالاردى وتكىزۋگە دە مۇمكىندىك بار. بالالار مەن جاسوسپىرىمدەر سپورت مەكتەپتەرىنىڭ بالالارى دا ورتالىقتىڭ يگىلىگىن پايدالانادى, – دەيدى «ارعىماق» ات-سپورتتىق ساۋىقتىرۋ كەشەنى باسشىسى امانجول حاسەنوۆ.
ەندى يپپوتەراپيالىق بالالاردى ەمدەۋ ءارى سپورت كەشەنىنە ونلاين كەزەككە تۇرا الادى. تسيفرلاندىرۋ باعدارلاماسى 1 ساۋىردەن باستاپ ىسكە قوسىلدى. جاڭا باستاما استانا قالاسى اكىمدىگىنىڭ قولداۋىمەن جانە تسيفرلاندىرۋ باسقارماسىمەن بىرلەسىپ جۇزەگە اسىرىلۋدا. ەندى قىزمەت تۇرىنە الدىن الا تاپسىرىس بەرىپ, كەشەن تاراپىنان ءۇش كۇندە جاۋابىن الادى. ونلاين تاپسىرىس بەرە المايتىن قىزمەت الۋشى استانا قالاسىنداعى قارقارالى تاس جولى, №1 مەكەنجايىندا ورنالاسقان «ارعىماق» ات سپورتتىق ساۋىقتىرۋ كەشەنى عيماراتىنا كەلىپ تاپسىرىس بەرە الادى.
