قازاقستان مەن كورەيا رەسپۋبليكاسىنىڭ استانالارى اراسىنداعى اۋە قاتىناسى قالپىنا كەلتىرىلىپ جاتىر, – دەپ حابارلايدى astana-akshamy.kz
بۇل شەشىمگە ەكى ەلدىڭ اۆياتسيا بيلىگىنىڭ 2024 جىلعى اقپان جانە ناۋرىزدا الماتى جانە سەۋل قالالارىندا وتكەن كەلىسسوزدەرى ناتيجەسىندە قولجەتكىزىلدى.
وسىلايشا, 2024 جىلدىڭ 15 ماۋسىمىنان باستاپ Air Astana استانا – سەۋل باعىتى بويىنشا رەيستەردى قالپىنا كەلتىرەدى.
«رەيستەر اپتاسىنا ەكى رەت (سارسەنبى جانە سەنبى كۇندەرى) AirBus-A321LR ءتيپتى سىيىمدىلىعى 166 ورىندىق ۇشاقتار ارقىلى ورىندالادى», – دەلىنگەن ااك حابارلاماسىندا.
اۋە قاتىناسىن قالپىنا كەلتىرۋ ەكى ەل اراسىنداعى ساۋدا-ەكونوميكالىق, ىسكەرلىك جانە تۋريستىك ىنتىماقتاستىقتى ودان ءارى دامىتۋعا ىقپال ەتەتىنى ءتۇسىندىرىلدى.
