«ADAL» پارتياسى سايلاۋالدى باعدارلاماسىنىڭ جوباسىندا ءبىلىم بەرۋ جانە بالالاردى مەكتەپتەردە وقىتۋ ماسەلەسىنە ايرىقشا توقتالعان. ولار بۇگىنگى بالالار مەن جاسوسپىرىمدەردىڭ ساناسى ومىردە پايداسى كەم, جالپى بىلىمگە تولى ەكەنىن نازارعا الىپ وتىر.
پارتيا بۇل ماسەلەنى مەكتەپتەردەگى ەرتە كاسىپتىك باعدارلاۋ جۇيەسى شەشە الادى دەپ ەسەپتەيدى. وقىتۋ قولدانبالى نەگىزدە قولعا الىنىپ, بالالاردىڭ تابيعي تالانتتارىن دامىتۋى كەرەك. وكىنىشكە قاراي, قازىر وعان كوپ كوڭىل بولىنە بەرمەيدى. بالا ءۇشىن ماماندىق تاڭداۋدا اتا-اناسىنىڭ نەمەسە مۇعالىمدەردىڭ وي-پىكىرى ماڭىزدى. دەگەنمەن بالانى ءتۇرلى ماماندىقتارمەن تانىستىرىپ, بولاشاقتا نەمەن اينالىساتىنىن ءوزى شەشەتىن دەڭگەيگە جەتكىزۋ كەرەك. وسى ورايدا ادالدىقتار كاسىپتىك باعدار بەرۋ قۇرالى «ADAL» پارتياسىنىڭ ساياسي كەڭەسىنىڭ مۇشەسى ولجاس ورداباەۆ جەتەكشىلىك ەتەتىن «Adal bagdar» (https://bagdar.adalpartiyasy.kz/kz/test) قىزمەتىن ۇسىنادى.
«Adal bagdar» – 5-8-سىنىپ وقۋشىلارى مەن 9-11-سىنىپ وقۋشىلارىنا ارنالعان تەست تاپسىرمالارىنىڭ جيىنتىعى. تەست تاپسىرۋشى بۇل پلاتفورما ارقىلى ءوزىنىڭ قارىم-قابىلەتتەرىمەن قاتار ءتۇرلى ماماندىقتار بويىنشا قىزىعۋشىلىعىن انىقتاي الادى. سىناق ناتيجەسىندە ءاربىر قاتىسۋشىنىڭ يكەمىنە قاراي تاڭدالعان ماماندىقتار ءتىزىمى مەن ماڭىزدى مالىمەتتەر ۇسىنىلادى. ماسەلەن, ماماندىقتار تۋرالى, تىكەلەي ەڭبەك جۇمىسشىلارىمەن سۇحبات ارقىلى تۇسىرىلگەن ماماندىقتاردىڭ ارتىقشىلىقتارى مەن كەمشىلىكتەرى تۋرالى بەينەروليكتەر, سۇرانىسقا يە ماماندىقتار/كاسىپتەر بولجامى تۋرالى اقپارات, كوللەدج, جوعارى وقۋ ورىندارى, وقۋعا ءتۇسۋ شارتتارى تۋرالى اقپاراتتار.
