مەملەكەت باسشىسى اقپارات جانە قوعامدىق دامۋ ءمينيسترى ايدا بالاەۆانى قابىلدادى.
قازاقستان پرەزيدەنتىنە مينيسترلىك جۇمىسىنىڭ قورىتىندىلارى, سونداي-اق, ونىڭ قىزمەتىن ودان ءارى دامىتۋ تۋرالى اقپارات بەرىلدى.
كەزدەسۋدە اقپاراتتىق ساياسات جانە ازاماتتىق قوعام ماسەلەلەرىنە ەرەكشە نازار اۋدارىلدى. اتاپ ايتقاندا, ايدا بالاەۆا وتاندىق بۇقارالىق اقپارات قۇرالدارىن دامىتۋ, ولاردىڭ باسەكەگە قابىلەتتىلىگىن ارتتىرۋ, سونىمەن قاتار, ۇكىمەتتىك ەمەس ۇيىمداردىڭ الەۋمەتتىك باستامالارىن قولداۋ جانە «رۋحاني جاڭعىرۋ» باعدارلاماسىن ىسكە اسىرۋ جايىندا باياندادى.
كەزدەسۋ قورىتىندىسى بويىنشا پرەزيدەنت مينيسترلىك الدىنا بىرقاتار ناقتى مىندەتتەر قويدى.
قازاقستان پرەزيدەنتى مەملەكەتتىك قىزمەت ىستەرى اگەنتتىگىنىڭ توراعاسى انار جايىلعانوۆانى دا قابىلدادى.
انار جايىلعانوۆا قاسىم-جومارت توقاەۆقا اگەنتتىك جۇمىسىنىڭ نەگىزگى باعىتتارى بويىنشا ەسەپ بەردى.
مەملەكەت باسشىسى «پرەزيدەنتتىك جاستار كادرلىق رەزەرۆى» بويىنشا جۇمىستى جالعاستىرۋدى, وعان ەنگەن ازاماتتاردىڭ جۇمىسپەن قامتىلۋىنا مونيتورينگ جۇرگىزۋ جانە رەزەرۆكە كىرۋ شارتتارىن رەتتەۋدى تاپسىردى.
