2019 جىلدىڭ قورىتىندىلارى بويىنشا ەلوردادا 3-6 جاسار بالالاردى بالاباقشامەن قامتۋ كورسەتكىشى 98,4 پايىزدى قۇرايدى. كەيىنگى ءۇش جىلدا باس قالادا مەكتەپالدى تاربيە مەكەمەلەرى ەداۋىر ارتقان. ماسەلەن, 2017 جىلمەن سالىستىرعاندا 119 بالاباقشاعا كوبەيگەن. بىراق بۇل سالادا ءالى دە وزەكتى ماسەلەلەر بار. نۇر-سۇلتان قالاسى ءماسليحاتىنىڭ الەۋمەتتىك-مادەني دامۋ ماسەلەلەرى جونىندەگى تۇراقتى كوميسسياسىنىڭ وتىرىسىندا قالالىق ءبىلىم باسقارماسىنىڭ باسشىسى شولپان قادىروۆا مەكتەپالدى دايارلىق سالاسىنىڭ قازىرگى جاعدايىنا جان-جاقتى توقتالدى.
2016-2019 جىلدارعا ارنالعان ءبىلىم بەرۋدى دامىتۋدىڭ مەملەكەتتىك باعدارلاماسىن ىسكە اسىرۋعا سايكەس, وسى ۋاقىتتا باس قالاداعى بالالار 100 پايىز بالاباقشامەن قامتىلۋى ءتيىس ەدى. وسىنى جاسىرماعان باسقارما باسشىسى مۇنىڭ بىرنەشە وبەكتيۆتى سەبەبىن اتاپ ءوتتى. ونىڭ العاشقىسى ەلوردا حالقىنىڭ ايتارلىقتاي ارتۋى بولسا, ەكىنشىسى – بالا تۋ كورسەتكىشىنىڭ ءوسۋى, ال ءۇشىنشىسى – ىشكى ميگراتسيانىڭ قارقىنى. ونىڭ ۇستىنە 2017-2019 جىلدارى جەكەمەنشىك بالاباقشالارعا مەملەكەتتىك تاپسىرىس بولعان جوق.
وسىنى ايتقان ش.قادىروۆا دەپۋتاتتاردىڭ نازارىن مىنا ساندارعا اۋداردى. ونىڭ ايتۋىنشا, ەلوردادا 2018 جىلى تۋعان 30452 بالا بيىل بالاباقشاعا بارۋى ءتيىس ەدى. بىراق بۇل مۇمكىن بولماي تۇر. وسى جىلى بارلىق جاستاعى 15800 بالدىرعان عانا مەكتەپالدى دايارلىق مەكەمەلەرىنە ورنالاستىرىلادى.
– جەكەمەنشىك بالاباقشالارعا بالالاردى مەملەكەتتىك تاپسىرىسپەن ورنالاستىرۋ 2019 جىلى عانا باستالدى. سونىڭ ناتيجەسىندە سوڭعى ەكى جىلدا 735 ميلليون تەڭگە سوماسىنا 5800 ورىنعا مەملەكەتتىك تاپسىرىس بەرىلدى. بىزدە اي سايىن ورتاشا ەسەپپەن بالاباقشا كەزەگىنە 4 مىڭ بالا تۇرعىزىلادى. سولاردىڭ جارتىسى عانا, ياعني 2 مىڭنان ءسال اسا بالدىرعان مەكتەپالدى دايارلىق مەكەمەلەرىنە جولداما الادى, – دەيدى ش.قادىروۆا.
«ينديگو» اتتى ەلەكتروندى كەزەك پورتالىندا 0-6 جاسار 55989 بالا, 1-6 جاسار 50233 بالدىرعان جانە 3-6 جاسار 5980 بالا تىركەلگەن. وسى جىلى تۇرعىن ۇيلەردىڭ ءبىرىنشى قاباتتارىندا مەكتەپالدى دايارلىق مەكەمەلەرىنىڭ 904 ورىنعا ارنالعان ءۇش فيليالىن اشۋ جوسپارلانىپ وتىر. سونداي-اق, مەملەكەتتىك-جەكەمەنشىك ارىپتەستىك اياسىندا 360 ورىنعا ارنالعان بالاباقشا قۇرىلىسىن اياقتاۋ, 1 قىركۇيەكتەن باستاپ جەكەمەنشىك بالاباقشالارعا 2800 ورىنعا مەملەكەتتىك تاپسىرىس بەرۋ كوزدەلۋدە. سونىڭ وزىندە پروبلەما تولىق شەشىلمەيدى. بالالاردى بالاباقشامەن قامتۋ 99 پايىزعا جەتەدى.
قازىرگى تاڭدا ەلوردادا بارلىعى 400-گە جۋىق بالاباقشا بار. ونىڭ 94-ءى مەملەكەتتىك بولسا, 259-ى – جەكەمەنشىك. جەكەمەنشىك بالاباقشالاردىڭ 247-سىنە مەملەكەتتىك تاپسىرىس بەرىلەدى.
باسقارما باسشىسى مەكتەپالدى دايارلىق مەكەمەلەرىندە ينكليۋزيۆتى ءبىلىم بەرۋ ماسەلەلەرىنە دە توقتالدى. بۇگىندەرى قالادا №23 جانە №647 – ەكى ارنايى بالاباقشا بار. بۇعان قوسا, 26 بالاباقشادا 570 تاربيەلەنۋشىگە ارنالعان 45 دەنساۋلىقتى تۇزەۋ توبى جۇمىس ىستەيدى. وسى جىلدىڭ قازان ايىندا كوزى ناشار كورەتىن بالالارعا ارنالعان 90 ورىندىق بالاباقشا اشىلادى. جاڭا وقۋ جىلىندا №22, 23, 25 جانە 64 بالاباقشالاردا رەسۋرستىق ورتالىقتاردى اشۋ جوسپارلانىپ وتىر. بۇل ورتالىقتاردا ەرەكشە قاجەتتىلىكتەرى بار بالالاردىڭ اتا-انالارىنا ادىستەمەلىك جانە كونسۋلتاتيۆتىك كومەك كورسەتىلەدى. بۇعان قوسا, 28 مەكتەپالدى دايارلىق مەكەمەسىندە وسىنداي بالالارعا ارنالعان ارنايى توپتار اشىلادى.
2019 جىلى بالاباقشا تاربيەشىسىنىڭ ورتاشا جالاقىسى 63235 تەڭگەنى قۇراعان. «مۇعالىم مارتەبەسى تۋرالى» زاڭىنا سايكەس وسى جىلدىڭ 1 قاڭتارىنان بارلىق پەداگوگتاردىڭ جالاقىسى 25 پايىزعا ءوستى. 2023 جىلعا دەيىن ۇستازدار ايلىعى جىل سايىن 25 پايىزعا ءوسىپ وتىرادى. سوعان ساي قازىر تاربيەشى 75324 تەڭگە الادى. ال 2023 جىلعا قاراي ونىڭ جالاقىسى 126 مىڭ تەڭگەگە جەتەدى.
– بيىل بالاباقشا پەداگوگتارى تۇڭعىش رەت جاڭا فورماتتاعى اتتەستاتتاۋعا قاتىسادى. قازىرگى كەزدە تەستىلەۋ جۇرگىزىلىپ جاتىر. ول وڭ ناتيجەنى كورسەتكەن جاعدايدا پەداگوگتارعا 30 پايىزدان 50 پايىزعا دەيىن ۇستەمەاقى تولەنەدى. مەكتەپكە دەيىنگى ۇيىم ۇستازدارىنىڭ تاپشىلىعى وزەكتى كۇيىندە قالىپ وتىر. اتالعان ماسەلەنى شەشۋ ءۇشىن ءبىلىم باسقارماسىنىڭ سايتىندا «HP» پورتالى جۇمىسىن باستادى. قازىر پورتالدا 377 بوس ورىن ورنالاستىرىلدى. 2019-2020 جىلدارى مەكتەپالدى ءبىلىم بەرۋ پەداگوگتارىنىڭ 3313-ءى بىلىكتىلىكتى جوعارىلاتۋ بويىنشا قىسقامەرزىمدىك كۋرستاردان ءوتتى. وسى جىلى ەلوردا كوللەدجدەرىنە 300 بالاباقشا پەداگوگىن وقىتۋعا مەملەكەتتىك تاپسىرىس بەرىلدى, «استانا» حالىقارالىق ۋنيۆەرسيتەتىنە 50 گرانت ءبولىندى, – دەيدى ش.قادىروۆا.
الايدا وسى سالاداعى وزەكتى ماسەلەلەرگە قاراماستان قالالىق ەكونوميكا جانە بيۋدجەتتىك جوسپارلاۋ باسقارماسى ءبىلىم باسقارماسىنىڭ بيۋدجەتىنەن بالاباقشالارعا ارنالعان 528 ميلليون تەڭگەنى قىسقارتقان. ءماسليحات دەپۋتاتى رامزيا ومىرباەۆا وسىعان كەلىسپەيتىنىن, جالپى ءبىلىم سالاسىنىڭ قارجىسىن قىسقارتۋ ارقىلى ۇنەمدەۋگە بولمايتىنىن ايتتى. ونى ارىپتەسى قاراقات ابدەن قولدادى. وسى ماسەلە بويىنشا ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ ورىنباسارى ايجان تۇگەلباەۆانىڭ جاۋابى دەپۋتاتتاردى سەندىرمەدى. الداعى كۇندەرى اتالعان قوس باسقارما باسشىلىعى مەن دەپۋتاتتار جينالىپ, بۇل ماسەلەنى پىسىقتايتىن بولىپ كەلىستى.
