استانادا رەيدتەر بارىسىندا اۋداندىق اكىمدىكتەر مەن قۇقىق قورعاۋ ورگاندارىنىڭ قىزمەتكەرلەرى تاعى 10 توننا ناسىباي تاركىلەدى, دەپ حابارلايدى astana-akshamy.kz
ونىڭ قۇنى 50 ميلليون تەڭگەدەن اسادى. تاركىلەنگەن بارلىق ءونىم جويىلدى.
«جاستار رۋحى» جك بەلسەندىلەرى ناسىبايدى جويۋ جونىندەگى اكتسيانى وتكىزۋ بارىسىندا «تازا قازاقستان» تۋى جەلبىرەدى.وسىلايشا جاستار ەكواكتسيانى قولداپ, تىيىم سالىنعان زاتتاردىڭ زياندى اسەرىن اتاپ ءوتتى.
ەستەرىڭىزگە سالا كەتەيىك, 18 ناۋرىزدان باستاپ استانانىڭ بارلىق اۋدانىندا ۆەيپ پەن ناسىبايدىڭ زاڭسىز تارالۋى مەن قولدانىلۋىن انىقتاۋ بويىنشا رەيدتەر ءوتىپ جاتىر. پوليتسەيلەر ساۋدا نۇكتەلەرىن تەكسەرەدى جانە 25 ايلىق ەسەپتىك كورسەتكىش (اەك) مولشەرىندە ايىپپۇل سالا وتىرىپ, اكىمشىلىك قۇقىق بۇزۋشىلىق تۋرالى كودەكستىڭ (اقبتك) 196-بابىنا سايكەس قۇقىق بۇزۋشىلاردى اكىمشىلىك جاۋاپكەرشىلىككە تارتادى. انىقتالعان ونىمدەر جەرگىلىكتى ورىنداردان تاركىلەنەدى.
«ءبىز ءوز قالامىزدى جامان ادەتتەردەن ارىلتامىز. جاستاردى جانە ەلىمىزدىڭ باسقا وڭىرلەرىن جامان ادەتتەردىڭ ورنىنا سپورتپەن جانە باسقا دا پايدالى ىستەرمەن اينالىسۋعا شاقىرامىز. بۇل اۋقىمدى اكتسيا, ول بويىنشا جۇمىس تۇراقتى نەگىزدە ءجۇرىپ جاتىر», – دەدى ەلوردانىڭ جاستار ساياساتى ماسەلەلەرى باسقارماسىنىڭ باسشىسى سامات يبراەۆ.
ايتا كەتۋ كەرەك, بۇعان دەيىن ەلوردادا 4 توننا شەگىلمەيتىن تەمەكى ونىمدەرى جويىلعان بولاتىن.
«شەگىلمەيتىن تەمەكى ونىمدەرى دەنساۋلىققا عانا ەمەس, ءبىزدىڭ دامۋ مادەنيەتىمىزگە دە كەرى اسەر ەتەدى. ادامدار تۇكىرەدى, اشۋلانشاق بولادى, تىيىم سالىنعان زاتتاردى پايدالانادى. بۇل ءبىزدىڭ ەلوردامىزعا زيان تيگىزەدى. اكتسيا وتە دۇرىس», – دەيدى ەرىكتى جانەل اكەجانوۆا.
ەلوردادا «تازا قازاقستان. استانا – تازالىق پەن ءتارتىپتىڭ ۇلگىسى» اتتى ەكولوگيالىق اكتسياسى ءوتىپ جاتىر. بۇل اپتا «ءمولدىر بۇلاق» دەپ اتالادى, ونىڭ بارىسىندا سۋ ايدىندارى – وزەندەر مەن كولدەردىڭ اينالاسى قوقىستان تازارتىلادى.
