قالالىق ءماسليحاتتىڭ ءماجىلىس زالىندا قۇرمەتتى ەڭبەك ارداگەرى, استانا قالاسى ءماسليحاتىنىڭ ءى, ءىى جانە ءىىى شاقىرىلىمدارىنىڭ دەپۋتاتى, ءىى شاقىرىلىمنىڭ حاتشىسى بولعان ۆەرا لۋكيانەتستى 80 جىلدىعىمەن قۇتتىقتاۋ سالتاناتى ءوتتى.
مەرەيتويعا ارنالعان سالتاناتتى ءراسىمدى قالالىق ءماسليحاتتىڭ توراعاسى ەرلان كاناليموۆ قۇتتىقتاۋ سوزبەن اشتى.
– ازاماتتارىمىزدىڭ ءومىرى مەن دەنساۋلىعى ءۇشىن كۇرەسە ءجۇرىپ, سانالى عۇمىرىن وسىناۋ يگىلىكتى ىسكە ارناعان قۇرمەتتى ۆەرا گريگورەۆنا! قاتىسۋشىلار اتىنان سىزگە العىسىمدى بىلدىرەمىن. ءسىز ءوز ءبىلىمىڭىز
بەن تاجىريبەڭىزدى بىلىكتى مەديتسينالىق كومەككە مۇقتاج ادامدارعا ارناي وتىرىپ, مەديتسينا قىزمەتكەرلەرىنىڭ بىرنەشە بۋىنىن – جوعارى بىلىكتى دارىگەرلەردى تاربيەلەي الدىڭىز. كاسىبي مىندەتتەرمەن
قاتار قوعامدىق جۇمىستارمەن دە بەلسەندى اينالىسقانىڭىزدى اتاپ وتكىم كەلەدى. ءسىز قالالىق ءماسليحاتتىڭ ءى-ءىىى شاقىرىلىمىنىڭ دەپۋتاتى, سونداي-اق قالالىق ءماسليحاتتى باسقارعان جالعىز ءارى ءبىرىنشى ايەل حاتشى
بولىپ قالا بەرەسىز, – دەدى ەرلان كاناليموۆ.
ەكونوميكالىق داعدارىس جىلدارىندا ۆەرا لۋكيانەتس زەينەتكەرلەر مەن مۇگەدەكتەرگە ارنالعان قايىرىمدىلىق وقۋ-ساۋىقتىرۋ ءىس-شارالارىن وتكىزدى. 1990 جىلى ۇكىمەتتىڭ تاپسىرماسى بويىنشا ول قازاقستانداعى العاشقى شارۋاشىلىق ەسەپتەگى كونسۋلتاتيۆتىك-دياگنوستيكالىق ەمحانا قۇرىپ, ەكى جىلدان كەيىن ونى «ءداستۇرلى جانە حالىقتىق مەديتسينا ورتالىعى» ەتىپ وزگەرتتى. ءداستۇرلى مەديتسينانىڭ بارلىق
ءادىسىن يگەرگەن بىلىكتى مامان ەمدەۋ ورتالىعىن زاماناۋي مەديتسينامەن بىرىكتىرگەنىن, ونىڭ قر دەنساۋلىق ساقتاۋ مينيسترلىگىنەن ەمشىلەرگە ۇمىتكەرلەردى سىناقتان وتكىزۋ ءۇشىن بازا بولعانى, كوپتەگەن جىل
بويى وسى ورتالىقتا عىلىمي-زەرتتەۋ جۇمىسى جۇرگىزىلگەنى جايلى ايتا كەلە, ءماسليحات توراعاسى مەرەيتوي يەسىنىڭ قازاقستاندا, رەسەيدە, ۋكراينادا, يسپانيادا, يزرايلدە, اقش-تا, اۆستراليادا وتكەن حالىقارالىق كونفەرەنتسيالاردا ءسوز سويلەپ, ءوز ناتيجەسىمەن بولىسكەنىن اتاپ ءوتتى. ودان سوڭ استانا قالاسىنىڭ تۇڭعىش
اكىمى ادىلبەك جاقسىبەكوۆتىڭ مەرەيتوي يەسىنە ارناعان قۇتتىقتاۋ حاتىن وقىعان ەرلان كاناليموۆ مەرەيتوي يەسىنە VIII شاقىرىلىمداعى ءماسليحات دەپۋتاتتارىنىڭ اتىنان گۇل شوقتارىمەن بىرگە ەستەلىك سىيلىق تاپسىردى.
قوعام الدىنداعى ەڭبەگى ءۇشىن ۆەرا گريگورەۆنانىڭ ەسىمى «قازاقستان رەسپۋبليكاسىنىڭ التىن كىتابىنا»,
«ەلوردانىڭ 100 تۇلعاسى» الماناحىنا, «قازاقستاننىڭ 100 ايەل تۇلعاسى» كىتابىنا ەندى. 2016 جىلى قازاقستان رەسپۋبليكاسى ۇلتتىق بيزنەس-رەيتينگى ۇيىمداستىرۋ كوميتەتىنىڭ «ەرەكشە جەكە جانە كاسىبي
قاسيەتتەرى ءۇشىن» شەشىمىمەن «سەزىمتال جۇرەك» مەدالىمەن ماراپاتتالعانى تۋرالى ەكس-دەپۋتاتتىڭ ارىپتەستەرى جىلى ەستەلىكتەرىمەن ءبولىستى. بۇل رەتتە 1994 جىلدان 1999 جىلعا دەيىن اقمولا قالاسى ءماسليحاتىنىڭ ءى شاقىرىلىمىنىڭ حاتشىسى قىزمەتىن اتقارعان, كوپ جىل بويى وسىنداعى ءىرى كاسىپورىنداردا باسشى بولىپ جۇمىس ىستەگەن الەكساندر مينوروۆ, سونداي-اق ءار جىلداردا دەپۋتات بولعان ارىپتەستەرى مارات امانباەۆ, مەديتسينا عىلىمدارىنىڭ دوكتورى, پروفەسسور, قازاقستان رەسپۋبليكاسىنىڭ ەڭبەك سىڭىرگەن قايراتكەرى, 2000-2006 جىلدارى قالالىق دەنساۋلىق ساقتاۋ دەپارتامەنتىن باسقارعان ءماجيت شايداروۆ, ەڭبەك ارداگەرى, «ادىلەت» تۇتىنۋشىلار قۇقىعىن قورعاۋ قورىنىڭ توراعاسى ەركىن تومپيەۆ, قازاقستان حالقى اسسامبلەياسى توراعاسىنىڭ ورىنباسارى بولعان يۋسۋپ كەليگوۆ, استانا قالاسى قوعامدىق دەنساۋلىق ساقتاۋ باسقارماسىنىڭ باسشىسى ءاليا رۇستەموۆا جانە «ءداستۇرلى جانە حالىقتىق مەديتسينا ورتالىعىنىڭ» مەديتسينالىق ماسەلەلەر جونىندەگى جەتەكشىسى راۋشان قۋانىشباەۆا ىستىق ىقىلاسىن ءبىلدىردى. جىلى قۇتتىقتاۋلارى مەن تىلەكتەرى ءۇشىن ارىپتەستەرىنە شىن جۇرەكتەن العىس ايتا كەلە, ۆەرا لۋكيانەتس ولارعا ىزگى تىلەگىن جەتكىزدى.
