استانا قالاسىنىڭ اكىمى اسەت يسەكەشەۆ ەلوردا كۇنىن مەرەكەلەۋگە دايىندىق جانە ونى وتكىزۋ بويىنشا جيىن وتكىزدى. جيىن بارىسىندا قالا باسشىسى مەرەكە كۇندەرى قوعامدىق قاۋىپسىزدىكتى قامتاماسىز ەتۋ ماسەلەسىنە باسا نازار اۋداردى.
مەرەكە كۇندەرى قۇقىق قورعاۋ ورگاندارى مەن بارلىق قالالىق قىزمەتتەر كۇشەيتىلگەن رەجيمدە جۇمىس ىستەيدى. سونىمەن قاتار, قالانىڭ تىرشىلىكتى قامتاماسىز ەتۋ نىساندارىندا جانە ادامدار كوپ جينالاتىن ورىنداردا, سونىڭ ىشىندە مەرەكەلىك شارالار وتەتىن جەرلەردە باقىلاۋدى كۇشەيتۋ قاجەت ەكەندىگى اتاپ ءوتىلدى. قالا باسشىسى ءتيىستى ورگاندارعا ۋچاسكەلىك ينسپەكتورلاردىڭ تىركەلگەن اۋماقتارىندا جۇمىستاردى كۇشەيتۋدى تاپسىردى.
«ەلوردا تۇرعىندارى مەن قوناقتارى ولاردىڭ تىنىشتىعى مەن قاۋىپسىزدىگى قورعالاتىنىنا سەنىمدى بولۋى كەرەك», – دەدى ءا. يسەكەشەۆ. اكىم شارالار وتەتىن ورىنداردا ساۋدا نىساندارىن ورنالاستىرۋ ماسەلەلەرىنە جەكە توقتالىپ, مەرەكە كۇندەرى حالىققا ساپالى قىزمەت كورسەتۋدى قامتاماسىز ەتۋدى تاپسىردى.
