تاۋەلسىزدىك كۇنى مەرەكەسى قارساڭىندا قازاقستان رەسپۋبليكاسى پرەزيدەنتىنىڭ جارلىعىمەن مەملەكەتىمىزدىڭ الەۋمەتتىك-ەكونوميكالىق جانە مادەني دامۋىنا, حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى, بەلسەندى قوعامدىق قىزمەتى ءۇشىن ەل ازاماتتارىنىڭ ۇلكەن ءبىر توبى مەملەكەتتىك ناگرادالارمەن ماراپاتتالدى. ولاردىڭ قاتارىندا ءوندىرىس, بيزنەس, ءبىلىم بەرۋ, دەنساۋلىق ساقتاۋ سالالارىنىڭ كورنەكتى وكىلدەرى, اسكەري قىزمەتشىلەر, قۇقىق قورعاۋ ورگاندارىنىڭ قىزمەتكەرلەرى, سپورتشىلار, سوعىس جانە ەڭبەك ارداگەرلەرى, مادەنيەت جانە عىلىم قايراتكەرلەرى بار.
«قازاقستاننىڭ ەڭبەك ەرى» اتاعى قازاقستان رەسپۋبليكاسىنىڭ ەكونوميكاسىن دامىتۋداعى جانە وندىرىستىك قىزمەتتەگى ەرەكشە ەڭبەگى ءۇشىن پاۆلودار وبلىسى «ەۋروازيا ەنەرگەتيكالىق كورپوراتسياسى» اق «ۆوستوچنىي» كەنىشىنىڭ ءماشينيسى مۇرات قايىرگەلدينگە جانە تەمىرتاۋ مەتاللۋرگيا كومبيناتىنىڭ اتقارۋشى ديرەكتورى ۆاديم باسينگە بەرىلدى.
«وتان» وردەنىمەن «استانا وپەرا» مەملەكەتتىك وپەرا جانە بالەت تەاترىنىڭ جەتەكشى ءسوليسى مايرا مۇحامەدقىزى ماراپاتتالدى. «قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ» وردەنىمەن قازاقستان رەسپۋبليكاسىنىڭ پرەمەر-ءمينيسترى اسقار مامين, الماتى وبلىسىنىڭ اكىمى اماندىق باتالوۆ, «Kazakhmys Holding» جشس پرەزيدەنتى ۆلاديمير كيم, «BSB» قارجى-ونەركاسىپ كورپوراتسياسى» جشس پرەزيدەنتى راشيت سارسەنوۆ; ءى دارەجەلى «بارىس» وردەنىمەن ءجانيا اۋباكىروۆا اۆتورلىق مەكتەبىنىڭ ديرەكتورى ءجانيا اۋباكىروۆا, اقىن ءشومىشباي ساريەۆ, الماتى وبلىسى «حيلنيچەنكو ي ك» كوممانديتتىك سەرىكتەستىگىنىڭ توراعاسى ۆيكتور حيلنيچەنكو; ءىى دارەجەلى «بارىس» وردەنىمەن جازۋشى, «ءتىل – قازىنا» ۇلتتىق عىلىمي-پراكتيكالىق ورتالىعىنىڭ باس ديرەكتورى الىبەك اسقار, اباي اتىنداعى قازاق ۇلتتىق پەداگوگيكالىق ۋنيۆەرسيتەتى جانىنداعى ورتالىقتىڭ جەتەكشىسى ءاليا بەيسەنوۆا, كونستيتۋتسيالىق كەڭەس مۇشەسى اسحات داۋىلباەۆ, قىزىلوردا قالاسىنداعى «بولاشاق» ۋنيۆەرسيتەتىنىڭ عىلىمي باسشىسى باقبەرگەن دوسمانبەتوۆ, پارلامەنت سەناتىنىڭ دەپۋتاتى مۇحتار قۇل-مۇحاممەد; ءىىى دارەجەلى «بارىس» وردەنىمەن پارلامەنت ءماجىلىسىنىڭ دەپۋتاتى ومارحان وكسىكباەۆ ماراپاتتالدى.
«قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى عىلىم جانە مادەنيەت سالاسىنىڭ 21 كورنەكتى وكىلىنە بەرىلدى.
