قوڭىر كۇزبەن ىلەسىپ كەلەتىن ايتۋلى كۇن – ۇستازدار مەرەكەسى. نۇر-سۇلتان قالاسىنىڭ جوعارى كولىك جانە كوممۋنيكاتسيا كوللەدجىندە «ۇستازىم – سىزگە مىڭ العىس!» اتتى مەرەكەلىك ءىس-شارا ءوتتى. كوللەدج ديرەكتورى, ساياسي عىلىمدارىنىڭ دوكتورى, تەحنيكالىق جانە كاسىپتىك ءبىلىم بەرۋ مەكەمەلەرى ديرەكتورلار كەڭەسىنىڭ توراعاسى زۋلفۋحار عايىپوۆ ءبىلىم كوشىن جىلجىتىپ كەلە جاتقان ۇستازدار قاۋىمىن كاسىبي مەرەكەسىمەن قۇتتىقتادى.
كوللەدجدىڭ وركەندەۋىنە, ءبىلىمى مەن بەدەلىنىڭ ارتۋىنا, ءتۇرلى بايقاۋلاردا جوعارىدان كورىنۋىنە ۇستازدار قاۋىمىنىڭ اتقارعان ەڭبەگى وراسان زور. وقۋ ورنى باسشىسى ەلىمىزدىڭ بولاشاعى ۇستازدارعا تىكەلەي بايلانىستى ەكەنىن ايتىپ ءوتتى. بۇل مەرەكەمەن قارتتار مەرەكەسى قاتار كەلۋىنە بايلانىستى كوللەدجدىڭ قۇرمەتتى ارداگەرلەرىن دە ءتول مەرەكەلەرىمەن قۇتتىقتادى.
مەرەكە قارساڭىندا ءداستۇرلى ماراپاتتاۋ ءراسىمى ءوتتى. ءبىلىم جانە عىلىم مينيسترلىگىنىڭ العىس حاتىمەن ل.رياسنوۆا مارا- پاتتالدى. كوللەدجدىڭ 75 جىلدىق مەدالى – ا.كارىموۆا مەن گ.بازىلباەۆاعا تابىستالدى. وقۋ ورنى ديرەكتورىنىڭ العىس حاتى – ا.مۇراتقىزى مەن ش.ورىنوۆاعا بەرىلدى.
كوللەدجدىڭ ۇزدىك كافەدرالارىنا «QR كودتتى ينتەراكتيۆتى تاقتانىڭ» سەرتيفيكاتتارى تاپسىرىلدى. «ءبىلىم بەرۋدى جاڭعىرتۋ» ورتالىعىنىڭ العىس حاتىمەن ل.ماتۆەەۆا, ج.مىلتىقباەۆا, گ.ءجۇنىسوۆا, س.مۋراۆەۆا, م.وماروۆا, ل.وستاشوۆا ماراپاتتالدى. 2020-2021 وقۋ جىلىندا بىلىكتىلىك ساناتتان وتكەن وقىتۋشىلارعا كۋالىكتەر تابىس ەتىلدى. مەرەكەلىك ماراپاتتاۋدان كەيىن ۇستازدار قۇرمەتىنە مەرەكەلىك كونتسەرت ۇيىمداستىرىلدى.
