ەلوردا اكىمى التاي كولگىنوۆ مىسىردىڭ قازاقستانداعى ەلشىسىمەن كەزدەستى. كەزدەسۋدە قۇرىلىس باعىتىنداعى ىنتىماقتاستىق تالقىلاندى.
مىسىردىڭ قازاقستانداعى ەلشىسى م.ءال-شينناۋي جانە «Arab Contractors» كومپانياسىنىڭ وكىلدەرىمەن كەزدەسۋدە قۇرىلىس ساپاسىنا نۇقسان كەلتىرمەي, شارشى مەتردىڭ وزىندىك قۇنىن تومەندەتۋگە مۇمكىندىك بەرەتىن تەحنولوگيالارعا باسىمدىق بەرۋ ماسەلەسى اڭگىمەنىڭ باستى ءتۇيىنى بولدى.
«مەملەكەت باسشىسىنىڭ تاپسىرماسى بويىنشا جىل سايىن الەۋمەتتىك تۇرعىن ءۇي, ءبىلىم بەرۋ نىساندارى جانە باسقا دا الەۋمەتتىك وبەكتىلەر قۇرىلىسىنىڭ كولەمىن ۇلعايتامىز. وتكەن جىلدىڭ جەلتوقسان ايىندا ەلوردادا ModeX ءۇي قۇرىلىسى كومبيناتى اشىلدى. ۇقك قۇرىلىس مەرزىمىن جانە نىسانداردىڭ وزىندىك قۇنىن ساپاعا نۇقسان كەلتىرمەي ازايتۋعا مۇمكىندىك بەرەدى. اتالعان ءۇي قۇرىلىسى كومبيناتىنىڭ قۋاتتىلىعى 500 مىڭ شارشى مەتردى قۇرايدى. سونىمەن قاتار «GLB» ءۇي قۇرىلىسى كومبيناتىنىڭ جۇمىسى قايتا جانداندى» دەپ اتاپ ءوتتى ا.كولگىنوۆ.
