ۇلىستىڭ ۇلى كۇنi بيىل قازاق جەرiندە بەس كۇن بويى تويلاندى.
بiرiككەن ۇلتتار ۇيىمىنىڭ باس اسسامبلەياسى ۇلتىمىزدىڭ ءتول مەرەكەسiن حالىقارالىق مەرەكە ەسەبiندە مويىنداعانى بەلگiلi. وسىعان سايكەس الەم بويىنشا ناۋرىز مەيرامىن شامامەن 300 ميلليونداي ادام اتاپ ءوتتi دەگەن دە مالiمەت بار.
قازاق جۇرتىنىڭ باس قالاسى – استانا الاڭدارىندا ۇيىمداستىرىلعان مەرەكەلiك شارالارعا شامامەن 50 مىڭداي ادام قاتىستى.
قالا تۇرعىندارى مەن قوناقتارىنىڭ قاۋiپسiزدiگiن قامتاماسىز ەتۋ ماقساتىمەن بۇل كۇنi قوعامدىق ءتارتiپتi قاداعالاۋ شارالارى كۇشەيتiلدi.
ۇزىن سانى 2 مىڭنان استام ءتارتiپ ساقشىلارى كۇنi بويى كۇشەيتiلگەن رەجيمدە جۇمىس جاسادى.
قالالىق توتەنشە جاعدايلار باسقارماسىنا قاراستى 51 ادام مەن 8 تەحنيكا مەرەكەلiك شارالار لەگi ءوتiپ جاتقان نەگiزگi ءتورت نىسانعا قاداعالاۋ جۇرگiزدi.
اتاپ ايتقاندا, سارىارقا, الماتى, ەسiل اۋداندارىنا قاراستى ءۇش الاڭدا ءۇش ءورت ءسوندiرۋ ماشيناسى, جەدەل قۇتقارۋ توبىنىڭ 22 مامانى, ال مەملەكەت, ۇكiمەت باسشىلارى قاتىسقان «قازاق ەلi» مونۋمەنتi الاڭىن-داعى مەرەكەلiك شارا كەزiندە توتەنشە جاعدايلار باسقارماسىنىڭ 29 قىزمەتكەرi, 3 ءورت ءسوندiرۋ ماشيناسى, 1 اپاتتى جاعدايلاردان قۇتقارۋ كولiگi, 1 اپاتتىق مەديتسينا ورتالىعىنىڭ ماشيناسى قىزمەت كورسەتتi.
«قازاق ەلi» مونۋمەنتi, «حانشاتىر», ورتالىق الاڭ ماڭىندا جەدەل مەديتسينالىق جاردەم مەكەمەسiنiڭ 7 بريگاداسى جۇمىلا جۇمىس جاسادى.
ال, قالا بويىنشا مەرەكەلiك شارالار ءوتiپ جاتقان 15 نىسانعا 24 بريگادا قىزمەت كورسەتتi.
21-25 ناۋرىز ارالىعىندا جەدەل مەديتسينالىق جاردەم قىزمەتiنە جالپى سانى 6240 حابارلاما كەلiپ ءتۇسiپتi.
مەرەكەلiك شارالاردىڭ نەگiزگi نۇكتەسi «قازاق ەلi» مونۋمەنتi الاڭىندا 400 ادامنىڭ قاتىسۋىمەن تەاترلاندىرىلعان قويىلىم كورسەتiلدi. الاڭ اۋقىمىندا 30 كيiز ءۇي تiگiلدi.
سونداي-اق, استانا قالاسى اكiمدiگiنiڭ الدىنداعى الاڭدا – 10, وتان قورعاۋشىلار الاڭىندا – 23, «حان شاتىر» ماڭىنداعى عاشىقتار سايا-باعىنان بايتەرەك كەشەنiنە دەيiنگi ارالىقتا – 12 كيiز ءۇي بوي كوتەردi.
ءدال وسى كۇنi رەسمي مالiمەتتەر بويىنشا 12 مىڭ كەسە ناۋرىز كوجە, 12 مىڭ تاباق پالاۋ, 24 مىڭ ورام باۋىرساق حالىققا تەگiن تاراتىلعان.
الماتىدان ارنايى كەلگەن روزا رىمباەۆا, «جiگiتتەر» كۆارتەتi, تامارا اسار, «ۇركەر» توبى, ءمادينا سادۋاقاسوۆا, استانالىق «بايتەرەك» توبى, قاراقات ءابiلدينا سەكiلدi ونەر جۇلدىزدارى حالىق الدىندا ءان شىرقادى.
تۇرiكتiڭ «ترت» تەلەارناسى 8-شi مارتە ۇيىمداستىرعان «ناۋرىزناما» تەلەجوباسىنا قازاقستان ۇلتتىق تەلەارناسى بەسiنشi رەت قاتىستى.تەلەارنا ءۇش رەت ەفيرگە قوسىلىپ, قازاقتىڭ سالت-داستۇرلەرiن ناسيحاتتادى.
استانانىڭ بەيبiت اسپانىنا 10 مىڭ شار ۇشىرىلدى.
ناۋرىز مەرەكەسiنە قاتىستى ەڭ قىزىق مالiمەتتەردiڭ بiرi – قازاقستان حالقى ءدال 22 ناۋرىز كۇنi Kcell, Activ ۇيالى بايلانىستارى ارقىلى 124,6 ملن قوڭىراۋ شالىپتى. ارينە, قوڭىراۋدىڭ كوپشiلiگi ۇلىق مەرەكەمەن بiرiن-بiرi قۇتتىقتاۋ ماقساتىندا سوعىلعانى ايتپاسا دا تۇسiنiكتi.
شىنار دوسان
