بيىل ۇلىستىڭ ۇلى كۇنى جىلداعىدان وزگەشەلەۋ وتكىزىلمەك. بۇل تۋرالى استانا قالاسى ىشكى ساياسات باسقارماسىنىڭ باسشىسى بولات تىلەپوۆ ءمالىم ەتتى.
بيىل 70-كە جۋىق كيىز ءۇي تىگىلىپ, حالقىمىزدىڭ تاريحى مەن قولونەرىنەن سىر شەرتەتىن ءتۇرلى كورمەلەر وتەدى. جىلداعى يگى داستۇرمەن بۇل شارالارعا وڭىرلەر ەرەكشە ات سالىسۋدا. ماسەلەن, بيىل پاۆلودار, سولتۇستىك قازاقستان, اتىراۋ, اقمولا, جامبىل جانە الماتى وبلىستارىنان ۇزىن سانى 360-تان اسا مادەنيەت جانە ونەر شەبەرلەرى قاتىساتىن ەلوردادا 25 ناۋرىزعا دەيىن ۇزىن سانى 300-دەن استام مەرەكەلىك ءىس-شارالار جوسپارلانعان.
باسقارما باسشىسى ولاردى مازمۇندىق تۇرعىدان ءۇش توپقا ءبولىپ قاراستىردى. ءبىرىنشى – رۋحاني-يدەولوگيالىق شارالار, ولار ادەتتە 21-22 ناۋرىزدا بولاتىن باستى مەرەكەلەرگە دەيىن وتەدى. ولاردىڭ جالپى سانى 260-تان اسىپ وتىر. ەكىنشى – الەۋمەتتىك شارالار. اتاپ ايتاتىن بولساق, ناۋرىز مەرەكەسى اياسىندا 16 الەۋمەتتىك باستاما بار. ونىڭ ىشىندە جاعدايى تومەن وتباسىلارعا, جالعىزباستى زەينەتكەرلەرگە اقشالاي ماتەريالدىق كومەكتەن بولەك, قارتتار ۇيىندە, مۇگەدەكتەر ەمحاناسىندا مەرەكەلىك ارنايى داستارقان باسىندا ءتۇرلى قويىلىمدار كورسەتىلەدى, سونىمەن بىرگە تسيركتەر مەن قالامىزداعى بارلىق كينوتەاترلاردا جەتىم جانە اتا-انا قامقورلىعىنسىز قالعان بالالارعا تەگىن كورسەتىلىمدەر ۇيىمداستىرىلادى», – دەدى باسقارما باسشىسى.
جالپى حالىق ءۇشىن قالامىزداعى نەگىزگى ساۋدا ورىندارىندا, ويىن-ساۋىق ورتالىقتارىندا 10 پايىز جەڭىلدىكتەرمەن قاتار, كەلۋشىلەرگە دە وسى ورىنداردىڭ تاراپىنان تەگىن ءدام ۇسىنىلماق. ارنايى مەرەكەلىك باعدارلامالار قالانىڭ ورتالىعىندا عانا ەمەس, سونىمەن قاتار, شەتكى اۋىلداردا دا وتەتىن بولادى. ءۇشىنشى – مادەني-شىعارماشىلىق شارالار, ولاردىڭ دەنى مەرەكەلىك دەمالىس كۇندەرى قالامىزدىڭ بارلىق اشىق جانە جابىق الاڭداردا وتەتىن بولادى», – دەدى ول.
قىمبات نۇرعالي
