شىعىس جاڭا جىلىندا استانادا ادەمى ويىنشىقتار مەن بەزەندىرگىشتەردىڭ ورنىنا اقش, بەلگيا سياقتى ەلدەردىڭ ءوزىن تاڭعالدىرعان ادەمىلىگىنە ءسوز جەتپەيتىن ەرەكشە جارىق شاشقان شوۋ وتەدى. بۇل كورىنىستى جارىقتاندىرۋ سالاسىنىڭ الەمگە ايگىلى ديزاينەرى كۋرت ۆەرميۋلەن استانا اكىمدىگى شاقىرۋىمەن كەلىپ كورسەتپەكشى. جارىق شاشۋ-شوۋى 2013 جىلدىڭ 20 ناۋرىزىندا ساعات 21.00-دە استانانىڭ ادەمى جەرلەرىندە كورسەتىلمەكشى.
ادەمىلىگى جاعىنان تاڭعاجايىپ بۇل كورىنىس كورەرمەندەردى ايرىقشا اسەرگە بولەيتىنى ءسوزسىز. ديزاينەردىڭ جارىق بەرۋدەگى وزىندىك شىعارماشىلىق قابىلداۋى, ساۋلەتتىك جوبالارعا قاتىستى ەموتسيونالدىق جانە يننوۆاتسيالىق كوزقاراستارى, سونداي-اق, پراگماتيكالىق, پەرفەكتسيونيستىك جانە تەحنيكالىق ءبىلىمىن كوركەمدىك ادىستە پايدالانۋى مەن اۆتوردىڭ وي-قيالىنىڭ جەمىسى وسىنداي كەرەمەت ونەر جاساۋعا مۇمكىندىك بەرەدى.
كۋرت ۆەرميۋلەن – 2010 جىلى سينگاپۋرداعى وليمپيادالىق ويىنداردىڭ (SYOG) اشىلۋ جانە جابىلۋ سالتاناتى ءۇشىن جارىق بەرۋ جانە مۋلتيمەديالىق ءديزايننىڭ نەگىزىن قالاۋشى. ارحيتەكتۋرالىق, ويىن-ساۋىق جانە كوركەم ينستاللياتسيا سالاسىنداعى 20 جىلدىق جۇمىسى ىشىندە كۋرت ۆەرميۋلەن كوپتەگەن شوۋلار وتكىزگەن. سونداي-اق ونىڭ كومپانياسى الەمدەگى كوپتەگەن ءىرى عيماراتتار مەن قۇرىلىستاردى جارىقتاندىرۋدى جۇزەگە اسىردى. سونىڭ ىشىندە Sainte Mari شىركەۋى, De Klanderij كوممەرتسيالىق ورتالىعى, Optimum جانە Sanko Park, La Defense ءۇشىن باس جوسپارى, قارجى ورتالىقتارى, ەۋروپا بويىنشا Center Parcs-گە ارنالعان جوبالار, تۇركيا, تاياۋ شىعىس, ازيادا ەڭبەكتەندى. 1999 جىلى كۋرت بىرنەشە جوبالاردى, سونىڭ ىشىندە بولاشاعى زور شوۋ Le Reve-ءنى جارىقتاندىرۋدى ءجۇزەگە اسىردى. 2005 جىلدىڭ ءساۋىر ايىندا Wynn Las Vegas Hotel & Casino-دا الەمدىك قاۋىمداستىقتى قايتالانباس ادەمى كورىنىستەرىمەن تاڭ-تاماشا قالدىردى. كوپتەگەن جارىق بەرۋشى ديزاينەرلەر اراسىنان بەلگيا كورولى البەرت II بيلەۋشىنىڭ قۇرمەتى ءۇشىن قويىلاتىن ۇلكەن كونتسەرتتى جارىقتاندىرۋعا كۋرت تاڭدالىپ الىندى.
20 ناۋرىزدا كۋرت ۆەرميۋلەن استانا تۇرعىندارىنا تىلەك ءبىلدىرۋشىلەردىڭ بارلىعى كورە الاتىن بىرەگەي جارىق شاشۋ شوۋىن ۇسىنادى. ونىڭ جۇمىسىنىڭ ەرەكشەلىگى – جاڭا ۆيزۋالدى ديزاين ازىرلەۋ, ونىڭ جاڭاشىلدىعى, بىرەگەيلىگى, بۇگىنگى ساۋلەت ونەرىندەگى جەتىستىكتى ادىستەردى ەنگىزۋىمەن قۇندى. «ءبىز جاڭا ءتۇر بويىنشا زاماناۋي تەحنولوگيالار مەن بىرەگەي جەرلەردەن ماتەريالدار الىپ, ءتاجىريبە ءجۇرگىزۋدەمىز. ءبىزدىڭ ماشىقتارىمىز اراسىنداعى سيمبيوزانى بەكىتۋ بىزگە كوركەمدىك تاجىريبەنى جەتىلدىرە تۇسۋگە, ءتۇستىڭ بۇدان دا كەرەمەت بىرەگەي مۇمكىندىكتەرىن ۇشتاۋعا, ونەر تۋىندىسى مەن ءساۋلەت جوبالارىنىڭ سارا تۋىندىسىن ومىرگە اكەلۋگە مۇمكىندىك بەرەدى» دەگەن كۋرت ۆەرميۋلەن, بىراق استانالىق شوۋدىڭ بۇگە-شىگەسىن ايتقان جوق.
جارىق شاشۋ شوۋى – ناۋرىز مەيرامى مەرەكەسىنە ارنالعان سالتاناتتى ءىس-شارالاردىڭ ءوزىندىك ءبىر باستاۋى. بيىلعى جىلى استانا قالاسىنىڭ 15 جىلدىعى قارساڭىندا, قالامىزدا شىعىس جاڭا جىلىن ويداعىداي تويلاۋ ءۇشىن رەسپۋبليكانىڭ بارلىق ايماقتارىنان دەلەگاتسيالار كەلەدى. قاز-قاتار كيىز ۇيلەر تىگىلىپ, حالىقتىق كوپشىلىك سەرۋەنگە بۇكىل قالا تۇرعىندارىنىڭ قاتىسۋىن قامتيدى.
PS جۋرناليستەرگە ىڭعايلى بولۋ ءۇشىن استانا قالاسىنىڭ اكىمدىگى جارىق شاشۋ شوۋى وتكىزىلەتىن نىساندارعا ءباسپاسوز تۋرىن ۇيىمداستىرادى. اۆتوبۋس جۋرناليستەردى استانا قالاسى اكىمدىگى عيماراتىنىڭ جانىندا كۇتەدى. تولىعىراق اقپاراتتى 8 7172 910-845 تەلەفونى ارقىلى الۋعا بولادى.
