ەلوردالىق مەملەكەتتىك اۋديتورلاردىڭ قاتىسۋىمەن جەمقورلىققا قارسى كەزدەسۋ ءوتتى.
ەلوردانىڭ مەملەكەتتىك اۋديت دەپارتامەنتىنىڭ ۇجىمىمەن نۇر-سۇلتان قالاسى سىبايلاس جەمقورلىققا قارسى ءىس-قيمىل دەپارتامەنتىنىڭ پرەۆەنتسيا باسقارماسى باسشىسىنىڭ ورىنباسارى قۋانىش مونولباەۆ سىبايلاس جەمقورلىققا قارسى ساياساتتىڭ 2022-2026 جىلدارعا ارنالعان تۇجىرىمداماسىنىڭ مىندەتتەرىن ءتۇسىندىرۋ بويىنشا كەزدەسۋ وتكىزدى.
قۋانىش مونولباەۆ مەملەكەتتىك قىزمەتشىلەرگە وسى جىلدىڭ اقپان ايىندا مەملەكەت باسشىسى بەكىتكەن الداعى 5 جىلعا ارنالعان سىبايلاس جەمقورلىققا قارسى ساياسات تۇجىرىمداماسىنىڭ نەگىزگى ەرەجەلەرىن ءتۇسىندىردى.
قاتىسۋشىلاردىڭ نازارى كەلەسى مىندەتتەرگە اۋدارىلدى: سىبايلاس جەمقورلىققا توزبەۋشىلىكتى قالىپتاستىرۋ, جاۋاپكەرشىلىكتىڭ بۇلتارتپاستىعىن قامتاماسىز ەتۋ بويىنشا شارالاردى جەتىلدىرۋ, سىبايلاس جەمقورلىققا قارسى ءىس-قيمىلدا ازاماتتىق قوعامنىڭ ءرولىن كۇشەيتۋ, سىبايلاس جەمقورلىققا قارسى ساياساتتىڭ مونيتورينگى, ۋاكىلەتتى ورگاننىڭ قىزمەتىن جەتىلدىرۋ.
سپيكەردىڭ ايتۋىنشا, زاڭ مەن سوت الدىندا بارشانىڭ تەڭدىگىن قامتاماسىز ەتۋگە باستى نازار اۋدارۋ ۇسىنىلادى. بۇل ءۇشىن سوت بيلىگى مەن سۋديالاردىڭ تاۋەلسىزدىگىن كۇشەيتۋ, قۇقىق قورعاۋ ورگاندارى قاتارىنىڭ تازالىعىن قامتاماسىز ەتۋ, سونداي-اق زاڭنامانى جەتىلدىرۋ جونىندەگى شارالار ازىرلەندى.
قۇقىق قورعاۋ جانە سوت ورتاسىندا ساتىلماۋشىلىقتى تەكسەرۋدىڭ «Integrity check» قۇرالى ەنگىزىلەدى, ول جوسىقسىز قىزمەتكەرلەردى ۋاقىتىلى انىقتاۋعا جانە جۇمىستان بوساتۋعا, قوعامعا ولاردىڭ ىقتيمال سىبايلاس جەمقورلىق ارەكەتتەرىنەن بولاتىن زالالدىڭ الدىن الۋعا مۇمكىندىك بەرەدى.
كەزدەسۋگە قاتىسۋشىلار 2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىنىڭ نەگىزگى ەرەجەلەرى تۋرالى حاباردار بولدى, سونداي-اق سىبايلاس جەمقورلىق قۇقىق بۇزۋشىلىق فاكتىلەرى تۋرالى حابارلاعانى ءۇشىن كوتەرمەلەۋ جۇيەسى جانە 1424 call-ورتالىعىندا سىبايلاس جەمقورلىق فاكتىلەرى تۋرالى حابارلاۋ ءتارتىبى تۋرالى حاباردار ەتىلدى.
