الداعى ۋاقىتتا «نۇر وتان» حالىقتىق دەموكراتيالىق پارتياسىنىڭ XV سەزى وتەدى. وسىعان وراي, قازىر جەر-جەرلەردە دايىندىق جۇمىستارى جۇرگىزىلىپ جاتىر. باس پارتيانىڭ سەزىنەن ەلوردالىقتاردىڭ نە كۇتەتىنىن ءبىلۋ ءۇشىن دەلەگاتتارمەن پىكىرلەسكەن ەدىك.
ەسەنجول بەكىشەۆ,
«فيرما «بەكزات» جشس ديرەكتورى:
– پارتيانىڭ الداعى سەزىنەن كۇتەرىمىز كوپ. ءبىزدىڭ پارتيا حالىقتىق بولعاندىقتان, سەزدە قارالاتىن ماسەلەلەر, قابىلداناتىن قۇجاتتار كەڭىنەن تالقىلانۋى ءتيىس دەپ ويلايمىن. بۇل باعىتتا ەلوردادا ءتيىستى جۇمىستار جۇرگىزىلىپ جاتىر.
جالپى, ءبىزدىڭ ەلدە ءار ازاماتتىڭ ادال ەڭبەگىنىڭ, ءوز كاسىپقويلىعىنىڭ, ادامي, ىزگىلىك قاسيەتتەرىنىڭ نەگىزىندە قوعامدا لايىقتى ورىن الۋىنا ەرىك بەرىلگەن. وسىعان وراي, ۇلتىنا, ءتىلى مەن دىنىنە, الەۋمەتتىك دارەجەسىنە, ساياسي جانە قوعامدىق ورتاسىنا قاراماستان, بارلىق ازاماتتاردىڭ ءوز مۇمكىندىكتەرىن ىسكە اسىرۋىنا قاجەتتى جاعداي جاسالىپ وتىر. سونىمەن بىرگە, ەڭبەك ادامىنىڭ شىعارماشىلىق الەۋەتىنىڭ دامۋىن ارتتىرۋ دا «نۇر وتان» پارتياسىنىڭ مۇشەلەرى اراسىنداعى ەڭ قىزۋ تالقىلانعان بولاشاق دوكترينانىڭ باستى پرينتسيپتەرى بولىپ تابىلادى. وسى پرينتسيپتەردى نەگىزگە الا وتىرىپ, جاستاردىڭ پروبلەمالارىن كوتەرەتىن كەز كەلدى. ولارعا پاتريوتتىق تاربيە بەرىپ, الەۋمەتتىك كومەك كورسەتۋ قاجەت.
ءبىزدىڭ باستى قۇندىلىعىمىز – ادام, ونىڭ قادىر-قاسيەتى, يگىلىكتەرى مەن قۇقىلارىن, تالاپ-تىلەگىن, مۇددەسى مەن ارمان-ماقساتىن قاناعاتتاندىرۋعا ءتيىسپىز. سوندىقتان وقۋ بىتىرگەن جاس ماماندارعا جۇمىس بەرۋ, الەۋمەتتىك كومەكتەر كورسەتۋ ماسەلەلەرى شەشىلسە, قوعامدا ءارتۇرلى قىلمىس پەن قاتىگەزدىك ازايار ەدى دەپ ويلايمىن.
ەلميرا سۋحانبەرديەۆا, استانا قالاسى №60 مەكتەپ-ليتسەيىنىڭ ديرەكتورى:
– قازاقستاندىقتاردى جاڭا تۇرپاتتا تاربيەلەۋ – سونى ساياسي دوكترينانىڭ نەگىزگى مىندەتى. ءوزىنىڭ انا ءتىلىن, تاريحىن, مادەنيەتى مەن ءداستۇرىن دارىپتەيتىن ۇلت قانا وركەندەي الاتىنىن ەسكەرسەك, بۇل رەتتە ءاربىر وتباسى ءداستۇردى ساقتاۋدىڭ باستى ينستيتۋتى بولىپ سانالادى. قوعام مەن مەملەكەتتىڭ بەرىكتىگى ونىڭ تۇتاستىعىنا تىكەلەي بايلانىستى. سوندىقتان ءبىز ەلىمىزدەگى داستۇرگە نەگىزدەلگەن وتباسى قۇندىلىقتارىن نىعايتۋعا ءتيىسپىز.
قازىرگى الەمدىك قاۋىمداستىقتاعى باسەكەلەستىكتىڭ باستى بەلگىسى – بىرەگەي ءبىلىم مەن تەحنولوگيا. دەمەك, قازاقستاننىڭ بولاشاعى زياتكەر ۇلت پەن يننوۆاتسيالىق ەكونوميكاعا بايلانىستى ەكەنىن ەستەن شىعارماۋىمىز كەرەك.
ءبىز, سونداي-اق, عىلىم مەن ءبىلىمنىڭ دامۋىنا, جاس ازاماتتاردىڭ يننوۆاتسيالىق جانە شىعارماشىلىق الەۋەتىن ىسكە اسىرىپ, جاڭا مۇمكىندىكتەر جاساۋىنا ايتارلىقتاي ىقپال ەتۋدەمىز. سايىپ كەلگەندە, مۇنىڭ ءبارى ءبىزدىڭ ارقايسىمىزدىڭ پروگرەسكە جانە جاسامپاز شىعارماشىلىققا ۇمتىلۋمەن قاتار, قۋاتتى يننوۆاتسيالىق سەرپىلىسكە جانە ەكونوميكالىق وركەندەۋىمىزگە سەپتىگىن تيگىزەدى دەپ ەسەپتەيمىن. سەزدەن جاڭا يدەيالار مەن تىڭ شەشىمدەر كۇتەمىن.
زەينوللا شيبكەنوۆ, «اقمولا ۆاگون جوندەۋ زاۋىتى» اق باس ديرەكتورى:
– «نۇر وتان» پارتياسى – ەلىمىزدەگى نەگىزگى قالىپتاسقان ساياسي كۇش. قازىر حالىق پارتيانىڭ جاڭا دوكتريناسىنىڭ جوباسىن كەڭىنەن تالقىلاپ جاتىر. ونىڭ نەگىزگى مىندەتى – حالىقتى, ەلىمىزدى, جاستاردى بىرىكتىرەتىن, بولاشاقتا بيىك مەجەلەرگە قالاي جەتەمىز دەگەن ماقساتتى ورىنداۋ, ءوز تاعدىرىمىزدى قالاي وزگەرتەمىز دەگەن سۇراقتارعا جاۋاپ بەرۋ. باسەكەلەستىكتى ساقتاۋ, ەلدى دامىتۋ ىسىندە جاڭا ناتيجەلەرگە قول جەتكىزۋ ءۇشىن ءبىز «قازاقستان-2050» ستراتەگياسىن جۇزەگە اسىرۋدامىز.
پارتيا قۇرىلعان كۇننەن باستاپ ەكونوميكا مەن ساياساتتا اۋقىمدى رەفورمالار تۇراقتى تۇردە جۇزەگە اسىرىلىپ, ادامنىڭ, قوعامنىڭ جانە مەملەكەتتىڭ دامۋىنا قولايلى جاعدايلار جاسالۋدا. بۇگىندە جەمقورلىقپەن كۇرەس كۇشەيتىلدى. سونىڭ ناتيجەسىندە حالىق ءوز ماسەلەسىن شەشۋ ءۇشىن الدىمەن «نۇر وتانعا» كەلۋدى داستۇرگە اينالدىردى. سەبەبى, ولار ءبىزدىڭ پارتياعا سەنەدى. ال, الداعى سەزد شەشىمدەرى قازاقستاننىڭ ودان ءارى گۇلدەنۋىنە سەپتىگىن تيگىزەتىنىنە سەنىمدىمىن.
دايىنداعان گۇلبارشىن وكەشقىزى
