«نۇر وتان» پارتياسىنىڭ استانا قالالىق فيليالى كوشپەلى قوعامدىق قابىلداۋ وتكىزدى
جۇمىس بارىسىندا كوشپەلى قوعامدىق قابىلداۋ مۇشەلەرى بارلىق وتىنىشپەن كەلگەن ازاماتتارعا تۇرعىن ءۇي, كوممۋنالدىق تۇيتكىلدەر, جۇمىسپەن قامتۋ, باسپانا, زەينەتاقى جانە باسقا دا الەۋمەتتىك ماڭىزدى ماسەلەلەر بويىنشا قۇقىقتىق كەڭەس بەرىپ, زاڭناما نورمالارىن ءتۇسىندىردى.
«بۇل استانا قالاسىنداعى ءۇشىنشى رەت وتكىزىلىپ وتىرعان كوشپەلى قوعامدىق قابىلداۋ بولىپ وتىر. العاشقى قابىلداۋدا 182 ادام بولسا, كەيىنگى شاراعا 88 ادام كەلىپ ءوتىنىش بىلدىرگەن ەدى. بۇگىنگى قابىلداۋعا 68 ازامات كەلدى. ولارعا 25 ءتۇرلى مەملەكەتتىك ورگان¬نىڭ وكىلدەرى ءبىلىم, دەنساۋلىق, قۇقىق قورعاۋ سىندى الەۋمەتتىك ماسەلەلەر بويىنشا ءتۇسىندىرۋ جۇمىستارىن جۇرگىزىپ, قۇقىقتىق كەڭەستەر بەردى», – دەيدى «نۇر وتان» پارتياسى استانا قالالىق فيليالى توراعاسىنىڭ ءبىرىنشى ورىنباسارى ەدىل مامىتبەكوۆ.
قابىلداۋدا بولعانداردىڭ باسىم بولىگى جۇمىسپەن قامتۋ ماسەلەسىن كوتەردى. سونداي-اق, باسپانا ماسەلەسىن شەشىپ بەرۋدى سۇراپ كەلگەندەر دە جوق ەمەس. مۇنداي ازاماتتارعا كەڭەستەر بەرىلدى.
