جىل باسىنان بەرى استاناداعى تابيعي مونوپوليا نىساندارىنا قاتىستى 40 تەكسەرۋ جۇرگىزىلدى
تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ استانا قالاسى بويىنشا دەپارتامەنتى ماماندارى اشىق ەسىك كۇنىن وتكىزدى.
شارا بارىسىندا مەكەمە قىزمەتكەرلەرى كەلۋشىلەرگە وسى جىلدىڭ جارتى جىلدىق ەسەبىن بەرىپ, اتقارىلعان جۇمىستار مەن بولاشاق جوسپارلارىمەن ءبولىستى.
جىل باسىنان بەرى استانا قالالىق دەپارتامەنتى تاراپىنان تابيعي مونوپوليا نىساندارىنا قاتىستى 40 تەكسەرۋ جۇرگىزىلگەن. ونىڭ 36-سى جوسپارلى تەكسەرۋ بولسا, قالعان 4-ەۋى جوسپاردان تىس تەكسەرۋ. تەكسەرۋلەردىڭ قورىتىندىسى بويىنشا, تابيعي مونوپوليالار جانە رەتتەلەتىن نارىقتار تۋرالى زاڭناماسىن بۇزۋ دەرەكتەرىنە قاتىستى 8 فاكتى انىقتالعان. بارلىق زاڭ بۇزۋشىلىقتار بويىنشا ءتيىستى شارالار قولدانىلدى. انىقتالعان زاڭسىزدىقتاردى جويۋ جونىندە 101 نۇسقاما بەرىلدى.
سوڭعى ۋاقىتتارى باسەكەلەستىكتى قورعاۋ سالاسىنداعى زاڭنامانىڭ بۇزىلۋىنا بايلانىستى تەرگەۋ-تەكسەرۋ جۇمىستارى ارتا تۇسكەن. تەك وتكەن 6 ايدىڭ وزىندە عانا كەلىپ تۇسكەن جەكە تۇلعالاردىڭ وتىنىشتەرى بويىنشا دەپارتامەنت تاراپىنان 19 نىسانعا قاتىستى جاڭادان 10 تەكسەرۋ تاعايىندالعان. بۇگىنگە دەيىن بۇل تەكسەرۋلەردىڭ 10-ى تولىقتاي اياقتالىپ, ناتيجەسىندە 8 ءىس بويىنشا ناقتى شارالار قابىلدانىپ ەل قازىناسىنا 19 ملن تەڭگە كولەمىندە كىرىس تۇسكەن.
