«استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ, نۇر-سۇلتان قالاسىنىڭ اكىمى التاي كولگىنوۆ جانە قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ ينۆەستورلارعا قولايلى جاعداي جاساۋ, ولارعا قولداۋ كورسەتۋ بويىنشا ءوزارا ىنتىماقتاستىق قۇجاتىنا قول قويدى.
ەلوردانى ودان ءارى دامىتۋ جونىندەگى كەڭەستە مەملەكەت باسشىسى ەلوردا تۇرعىندارى مەن قوناقتارى ءۇشىن تىلدىك ورتانى قالىپتاستىرۋ جونىندە شارالار قابىلداۋدى تاپسىرعانى بەلگىلى. وسى رەتتە ەلوردانىڭ اۋداندىق اكىمدىكتەرى, «IQala» قالالىق قىزمەت كورسەتۋ ورتالىعى جانىنداعى حقو, دەنساۋلىق ساقتاۋ, «فرونت-كەڭسەلەر» قىزمەتكەرلەرى ءۇشىن اعىلشىن ءتىلىن وقىتۋ كۋرستارى ۇيىمداستىرىلدى. وقىتۋ كەزىندە شەتەلدىكتەرگە اعىلشىن تىلىندە مەملەكەتتىك جانە مەملەكەتتىك ەمەس قىزمەتتەر كورسەتەتىن احقو ەكسپات-ورتالىعىنىڭ تاجىريبەسى نەگىزگە الىندى. بۇدان ءارى ەكسپات-ورتالىق بازاسىندا «IQala» قالالىق قىزمەت كورسەتۋ ورتالىعىنىڭ, «Astana Invest» قالالىق ينۆەستيتسيالاردى دامىتۋ ورتالىعىنىڭ جانە «ازاماتتارعا ارنالعان ۇكىمەت مەملەكەتتىك كورپوراتسياسى» كەاق قىزمەتكەرلەرى قىزمەت كورسەتەتىن بولادى. بۇدان باسقا, ىنتىماقتاستىق شەڭبەرىندە كاسىپكەرلىك سۋبەكتىلەرى ءۇشىن ءۇش ءتىلدى پاريتەت قاعيداتى ەنگىزىلەدى: جارنامالىق ونىمدەردىڭ, اقپاراتتىق ستەندىلەردىڭ اعىلشىن تىلىندە بولۋى. ەلوردا اكىمى التاي كولگىنوۆ مەملەكەت قابىلدايتىن شارالاردىڭ ارقاسىندا ەلوردادا جىل سايىن ينۆەستيتسيالىق احۋالدىڭ جاقسارعانىن اتاپ ءوتتى. تارتىلعان ينۆەستيتسيالاردىڭ 30 پايىزى – شەتەلدىك. شەتەلدىك ازاماتتار مەن كومپانيالارعا ەكسپات-ورتالىقتىڭ بازاسىندا «ءبىر تەرەزە» قاعيداتى بويىنشا قىزمەتتەر كورسەتىلەدى. ايتا كەتۋ كەرەك, احقو-دا شەتەلدىك ازاماتتار مەن ولاردىڭ وتباسى مۇشەلەرىنىڭ كەلۋى ءۇشىن قولايلى جاعدايلاردى قاراستىراتىن بىرەگەي جەڭىلدەتىلگەن ۆيزالىق جانە كوشى-قون رەجيمى جۇمىس ىستەيدى. ەكسپات-ورتالىق نۇر-سۇلتان قالاسىنىڭ قالالىق جانە ىسكەرلىك ينفراقۇرىلىمىنىڭ اجىراماس بولىگى بولىپ تابىلادى.
