«نۇرلى جۇرەكتەگى» جىلى جۇزدەسۋ
ەلوردا اكىمى التاي كولگىنوۆ «نۇرلى جۇرەك» الەۋمەتتىك قىزمەت كورسەتۋ ورتالىعىندا بولىپ, مەكەمە قىزمەتكەرلەرىمەن جانە بالالارمەن كەزدەستى.«نۇرلى جۇرەكتە» سال اۋرۋىنا شالدىققان, ەپيلەپسيا, حروموسوميالىق اۋرۋلارى مەن اۋتيزم دياگنوزى, داۋن سيندرومى بار, ۇشتاسقان سويلەۋ قابىلەتى بۇزىلعان, پسيحيكالىق اۋىتقۋى بار بالالاردى قوعامعا بەيىمدەي وتىرىپ, ولاردىڭ ەم-شارا الۋىنا بارلىق مۇمكىندىك جاسالعان. سىرقات دەڭگەيىنە قاراي توپتاستىرىلعان ورتالىقتىڭ ءۇش كورپۋسىندا قازىرگى تاڭدا 281 بالا, ونىڭ ىشىندە 155-ءى – كۇندىزگى بولىمدە, 126-سى ستاتسيوناردا ەمدەلۋدە. ورتالىقتا 300-دەن اسا مامان جۇمىس ىستەيدى.
– سىزدەر يگى ءارى كۇردەلى جۇمىس اتقارىپ, ەرەكشە قاجەتتىلىكتەرى بار بالالارعا كومەكتەسەسىزدەر. سىزدەرگە العىسىمدى بىلدىرەمىن, ەڭبەكتەرىڭىزدى باعالايمىز. كوپتەگەن بالالار كومەك پەن وڭالتۋدى قاجەت ەتەدى. سوندىقتان قوسىمشا كورپۋس اشۋدى جوسپارلاپ وتىرمىز. سونداي-اق ەرەكشە قاجەتتىلىكتەرى بار بالالارعا كومەك كورسەتۋمەن اينالىساتىن الەۋمەتتىك سالا قىزمەتكەرلەرىنە ارنالعان جاتاقحانا سالۋ ماسەلەسىن قاراستىرامىز, – دەدى التاي كولگىنوۆ.
اكىم ەرەكشە بالالاردىڭ ونەرىن تاماشالاپ, مەكەمە قىزمەتكەرلەرىمەن بىرگە ەستەلىك سۋرەتكە ءتۇسىپ, سىي-سياپاتىن تابىس ەتتى.
قالادا ەرەكشە قاجەتتىلىكتەرى بار ادامداردىڭ سانى 26 مىڭ بولسا, ونىڭ 5,5 مىڭى – بالالار. كەلەسى جىلدان باستاپ قر پرەزيدەنتىنىڭ تاپسىرماسىنا سايكەس وسى سالادا ەڭبەك ەتىپ جۇرگەن الەۋمەتتىك قىزمەتكەرلەرىنىڭ جالاقىسى 30 پايىزدان باستاپ كوتەرىلەتىن بولادى.