ەلوردادا «تازا قازاقستان. استانا – تازالىق پەن ءتارتىپتىڭ ۇلگىسى» ەكواكتسياسىنىڭ «ونەگەلى ۇرپاق» اپتالىعى ءوتىپ جاتىر, دەپ حابارلايدى astana-akshamy.kz
رەسپۋبليكالىق ەكواكتسياعا دەنە شىنىقتىرۋ جانە سپورت باسقارماسىنا قاراستى №2 جانە №5 مامانداندىرىلعان وليمپيادالىق رەزەرۆتەگى بالالار-جاسوسپىرىمدەر سپورت مەكتەبى مەن وليمپيادالىق رەزەرۆ دايىنداۋ ورتالىعىنىڭ قىزمەتكەرلەرى قاتىستى.
ەكواكتسيا اياسىندا مەكەمە قىزمەتكەرلەرى مەن بىرقاتار سپورتشىلار ارداگەردىڭ اۋلاسىن تازالاپ, شوپتەرىن ورىپ, اۋلانىڭ قوقىستارىن شىعاردى.
ايتا كەتۋ كەرەك, قالالىق سپورت باسقارماسىنا باعىنىستى مەكەمەلەردىڭ قىزمەتكەرلەرى «ونەگەلى ۇرپاق» اپتالىعى اياسىندا قيىن ومىرلىك جاعدايداعى بالالاردى قولداۋ ورتالىعىنىڭ اۋماعىن, قالا تۇرعىنى ءبىرىنشى توپتاعى مۇگەدەكتىگى بار بەرەن وتەباەۆانىڭ اۋلاسىن, پريگورودنىي تۇرعىن الابىندا ورنالاسقان زەينەتكەردىڭ باقشاسىن, بىرنەشە كوپبالالى وتباسىلارىنىڭ اۋلالارىن قوقىستان تازارتۋ مەن اباتتاندىرۋ بويىنشا كومەكتى ەرىكتى تۇردە كورسەتتى.
وسى اپتا «ونەگەلى ۇرپاق» دەپ اتالادى جانە ارداگەرلەر اۋلالارى مەن قارتتار ۇيلەرىنىڭ اۋماقتارىن تازالاۋعا جانە اباتتاندىرۋعا ارنالعان.
اۋقىمدى ەكواكتسيا اياسىندا قالانى سانيتارلىق تازارتۋ, نوسەر جانە ارىق كارىز جەلىلەرى, كوشەلەردى, تروتۋارلاردى, كۆارتالىشىلىك اۋماقتاردى, قوعامدىق كەڭىستىكتەر مەن اۋلالاردى تازالاۋ جۇمىستارى جۇرگىزىلىپ جاتىر.
