وينايىق تا, ويلايىق!
تاربيە – بالاباقشادان باستالادى. مەكتەپ جاسىنا دەيىنگى بالانى دامىتاتىن, وسىرەتىن ءارى تاربيەلەيتىن نەگىزگى ءىس-ارەكەت – ويىن. ويتكەنى, ويىن ارقىلى بالا ءوزىن قورشاعان ورتامەن, تابيعاتپەن, ادامداردىڭ ەڭبەگىمەن تانىسادى.
حالقىمىز ويىنداردى بالانىڭ جاس ەرەكشەلىگىنە قاراي باعالاعان. ەستەتيكالىق تاربيە بەرۋدىڭ ماڭىزدى قۇرالى بالالاردى ۇيىمشىلدىققا ۇيرەتەدى. ويىننىڭ تۇرلەرى كوپ, سونىڭ ىشىندە ماڭىزدىسى – ديداكتيكالىق ويىندار. بالانىڭ قىزىعۋشىلىعىن وياتىپ, بەلسەندىلىگىن ارتتىرۋ ماقساتىندا استانا قالاسىنداعى «سالتانات» بالاباقشاسىندا «وينايىق تا, ويلايىق!» اشىق ساباعى ءوتتى. ديداكتيكالىق ويىندارعا نەگىزدەلگەن ساباقتىڭ پايداسى كوپ. جاتتىعۋلار ارقىلى بالالاردىڭ سوزدىك قورىن بايىتۋعا, ويلاۋ قابىلەتىن دامىتۋعا بولادى.
«قىزعالداق» توبىندا وتكىزىلگەن اشىق ساباقتا بالاعا قاراما-قارسى سوزدەردى انىقتاۋ داعدىلارىن قالىپتاستىرۋدى كوزدەيتىن «سۋرەتتىڭ جۇبىن تاپ», «ۇقساس سوزدەر» ويىندارى ۇيىمداستىرىلدى. سوڭىندا بۇلدىرشىندەر ءدوڭگەلەنە تۇرىپ, ءجۇرەكشە بەرۋ ارقىلى ءبىر-بىرىنە جىلى سوزدەرمەن تىلەك ايتتى. قىزىقتى وتكىزىلگەن ويىن «ارايلاپ اتقان ءار تاڭ بىزگە جاقسىلىق نۇرىن شاشا بەرسىن!» دەگەن حورمەن اياقتالدى.
ءمادينا ءسادىروۆا,
№57 «سالتانات» بالاباقشاسىنىڭ پەداگوگ-پسيحولوگى