2 تامىزدا تاۋەلسىزدىك سارايىندا بەينەلەۋ ونەرىنەن بۇقارالىق اقپارات قۇرالدارىنا ارنالعان «قاينار» شەبەرلىك سىنىبى وتكىزىلەدى.
تاۋەلسىزدىك سارايى مەن استانا قالاسىنىڭ اكىمدىگى مۇنداي ءىس-شارالاردى بۇعان دەيىن بالالار ۇيلەرىنىڭ تاربيەلەنۋشىلەرى مەن مۇگەدەكتەرى ءۇشىن ۇيىمداستىرعان بولاتىن. بۇل جولى بەينەلەۋ ونەرى بويىنشا شەبەرلىك سىنىبىنا جۋرناليستەر مەن بارشا استانالىقتار قاتىسا الادى. «ءار قاتىسۋشى ءوز بەتىنشە دەكوراتيۆتىك-قولدانبالى ونەردىڭ قانداي دا بولماسىن ءبىر زاتىن جاسايدى نەمەسە جەكە كارتيناسىن سالىپ كورەدى. شەبەرلىك سىنىبىنىڭ يدەياسى – بەينەلى ويلاۋدىڭ ءورىسىن كەڭەيتىپ, ءار ادامدى ونەر تۋىندىلارىن جاساۋدىڭ قۇپيا الەمىنە جەتەلەۋ بولىپ تابىلادى» دەيدى ۇيىمداستىرۋشىلار. ساباقتا بەينەلەۋ ونەرى تۇرلەرىنىڭ كەڭ سپەكترى ۇسىنىلىپ, استانالىق سۋرەتشىلەر, مادەنيەت جانە ونەر قايراتكەرلەرى ءدارىس بەرەدى.
ەركەجان ساتىمبەك
